好開心呀! 終於有我地既讀書會喇!  仲可以同同年同月同日生既BB坐埋一齊讀書!    早一個月前join左【綠腳丫Baby讀書會】，呢個組織係透過協助家長自組讀書會，定期舉行共讀共玩活動，推動BB 係發展早期接觸書本，佢地有一句講得好好- 書本其實都係玩具既一種。   突然有被點醒既感覺，小肥媽以前覺得讀書目的係為左上大學搵好工生活好D，為謀生而此既工具，睇書只係為交功課。亦可能細個被人迫讀書迫得多, 好唔鐘意睇書。所以因為咁樣, 我miss左好多好玩既書。唉...   有幸認識到【綠腳丫】佢將書本既定義改寫,仲有個平台可以俾一班媽媽交流同組團開讀書會。最值得一提既係每次讀書會活動都會由家長輪流帶領, 主題同延伸活動都需要每個組員去諗去準備, 令到大家都會有團隊既歸屬感。   今次讀書會資料:   年紀：16個月 主題：身體 玩物：自製身体貼貼拼拼 // 踏踏冰毛巾 摸摸冰塊 // 彩虹傘 // 簡單手勢   繪本 ：自家劃嘅繪本 // 痛痛飛走了 // 身体的各位 // 簡單手勢