自從懷孕以來，可以用嘅護膚品就唔多，因為又要天然、又要無香精，加上精打細算嘅我，當然要㨂大件夾抵用嘅產品啦！所以，打從懷孕起，我一直使用嘅護膚品只有：蘆薈膠 (Aloe Vera Gel)。 其實皮膚無論任何年紀，都可以將護膚工作歸類為- 早上：抗氧化+防UV 晚上：修復+保濕 蘆薈膠就有曬修復皮膚兼保濕嘅呢兩樣功能！蘆薈膠入面含有從蘆薈提取出來的成份氨基葡聚醣 (glycosaminoglycan)，呢個成份就有如你屋企張床槈入面啲彈弓咁，可以提升你皮膚入面嘅骨膠原，令皮膚保持彈性，蘆薈膠仲可以長效保濕，令你張床槈又彈又滑。 識㨂嘅你，當然知道要買有機(Organic) 認證嘅蘆薈膠先最安全、可靠、有效啦！我就推薦大家買一隻「Aloe Pura Aloe Vera Gel」，它用嘅唔單止係有機蘆薈咁簡單，仲係被認證為用有機方法去培植嘅蘆薈，而且產品當中有效成份達99.9%！睇返產品成份表，第一項就係99.9% Bio Active Aloe Vera Inner Gel，即係產品中含最多嘅就係它，相比其他牌子，好多時排第一嘅都係Auqua，呢個產品自然比較可信。 我知道好多朋友都會用開韓國嘅Aloe Vera Gel，咩牌子都有、而且又平，大約$40就有一個，我自己都有買過(當然係懷孕前)。它們一打開就有陣好清香嘅味道散發出黎，其實嗰啲就係香料味。你捻下喎，未搽已經咁香，可想而知廠商到底落咗幾多香料，你又吸收咗幾多香料？ 真真正正嘅Aloe Vera Gel係偏黃、無味嘅，因為天然嘅蘆薈會釋出麻黃，令蘆薈膠帶少少黃色。你見到產品不是完全透明，就係因為咁、而唔係因為它變壞。 最後，附上幾個蘆薈膠的使用方法供大家參考： 1) 做磨砂：加入少許砂糖，輕輕力在臉上打圈後1分鐘後清洗，砂糖有補濕和去角質功效，用後不怕乾 2)暗瘡面膜：出暗瘡或石頭瘡時，厚厚咁敷一層。第二朝起身包保粒瘡大縮水！ 3)補濕面膜：洗臉後用玫瑰花水或Toner抹過後，再當面膜敷。如果唔想浪費可以唔抹都得。 【Main Blog: https://educatemybaby.com/】 (電郵：nataliepuipui@gmail.com) (Facebook: nataliepuipui) (微博： NatalieUn) (Instagram: @natalie_cyp)