做左半泵媽年半，分享下關於冰袋既選擇啦! 市面上有好多冰袋用係母乳運送，其實每個牌子個CP值都唔同，好肯定可以話你知唔係貴就最好。 以下係用過牌子心得: Packit – 要雪，入冰箱時可以摺到扁撻撻，勁多款有大有小斜孭lunch box 乜size都有，基本上你用咩奶樽都得，多色外型討好！ 係衰在佢用普通拉鍊做袋口，可保冷6hr-10hr，價錢~$150。   Fridge To Go (FTG) - 要雪，叫做冰奶袋始祖，有一排係媽媽界好興，好多媽媽番工冇雪櫃就用佢。有兩款，舊嘅冰種係車死係袋，新嘅可拆出黎放冰箱。5/6邊冰，佢話可以冷12hr，試過係唔得嘅，因為6hr已開始溶，可能香港熱啦！外型一般，攝晒冰個內籠好細，限制左奶樽大小同數量，買4枝奶果款會比較flexible，個袋好重同易爆線，而家愈賣愈貴，冇特價要成$400先落到樓 。 iThermo – 淨雪冰種，分白冰同藍冰(勁野)，兩隻都好強勁，個袋flexible, 冰種可散買($19/$39)，外型一般~番工冇雪櫃放藍冰冰住D奶效果very good，價錢~$200。 Avent – 唔駛雪，普通一個隔熱袋，但係一定好過雪糕保冷，輕到好似冇重量。Size放2個Avent 260ML大樽。外型細細個有幾隻色揀，可保冷2hrs，價錢~$200。 ＊小肥媽係在職媽，小肥子 3-10個月時係我奶量全盛時期，每日3-4樽200ML，當時係用Packit冰袋，有時會加ithermo冰用黎長時間出街見客用。   Source: pictures from internet. >>> 看更多母乳媽媽分享 <<<