科技一日千里，原來而家嘅carseat可以設計得咁先進、精巧同方便攜帶。對於平日要接送小朋友番學放學，或者好以我哋咁，經常一家人自駕四圍去玩嘅家庭來講，實在係大好消息呀！一張在手，世界通行。一齊嚟睇真啲啦喂！~ 報告報告！發現車內有可疑物品，快啲打開來睇下先~ 相信冇人會估到裏面裝住嘅竟然係一張carseat。冇扼你㗎！mifold係專為4-12歲小朋友(40-100lbs)而設嘅兒童汽車安全椅~ @.@ 咁細件，就算放車尾都仲有好多位剩呀！ 放響車廂內任何地方都唔阻訂~ 車門位置我哋慣常放一本地圖，而家竟然可以放carseat。太神奇喇！XD 纖巧、輕便係mifold嘅特點。小朋友可以將佢就咁放落去外出嘅背囊仔，幾時想拎出來用都得！仲可以自己安裝添！ 體積細件又輕身，小朋友不廢吹灰之力就可以拎起喇！ 安裝十分方便！mifold有3個闊度，可按小朋友pat pat嘅大細調較~ 較好之後，就將mifold放響車廂嘅座位上啦！ mifold要平放並且靠近安全帶扣位置，咁先至安全㗎！ 擺好之後一看，mifold體積比起傳統carseat真係細張好多喎！ 跟住落嚟！我哋就要將安全帶穿入去mifold度喇！ 首先將安全帶穿過mifold一邊嘅紅色扣~ 然後將安全帶扣落去車廂座位嘅安全帶扣上！「咔嚓」~ 再將安全帶穿過mifold另一邊嘅紅色扣~ 最後，將mifold嘅膊頭位紅色扣套入去安全帶上 小朋友再自己調較至膊頭位中間位置。完成！ 前後都唔駛5分鐘，話咁快就搞掂！可以安全出發lu~ Yeah!!! 我哋車仔細細，平時放咗兩張carseat後已經坐唔落第3個人。mifold嘅出現實在係晴朗嘅喜訊呀！我亦都唔駛再畀佢哋投訴冇得同媽媽坐喇！XD 不過用之前一定要睇咗說明書先喎！產品提供多種語言說明書，攞番本英文來睇就冇錯啦！ 買carseat畀小朋友，安全係我哋最主要考慮嘅因素。開初睇mifold個樣都有啲壞疑得唔得㗎？但原來佢係採用耐用嘅飛機級鋁合金同埋超韌塑性聚合物製造，已成功在全球各地評測機構通過多項撞擊安全測試，符合世界最嚴格嘅驗證標準。 安裝容易，而且舒適安全，有效防止安全帶勒傷腹部和頸椎。普通carseat原理係提起小朋友嘅身體至成人高度，而mifold概念就唔同。佢唔係將小朋友嘅身體提高，而係將安全帶拉向小朋友嘅高度。用咗mifold，朗朗條頸就唔駛再畀條安全帶箍到唔舒服喇！ 諗番起之前每次車埋公公婆婆嘅時候，由於唔夠位坐，張carseat要又拆又裝咁，真係有啲吃力。而家用咗mifold，裝同拆都簡單得多，唔駛晴朗爸爸幫手都搞得掂啦！清潔仲容易過傳統carseat好多添！咁慳位又方便，一於買多張畀晴晴用，咁就再冇投訴啦！  mifold兒童汽車安全椅 網站：http://www.blissandbless.com/mifold/151facebook：https://www.facebook.com/mifold.HK