今日在樓下經過一個石硤尾邨嘅遊樂場 位於偉智街同南昌街交界 又可以搵到一個地方俾小朋友可以放吓電     地方都夠大可以俾小朋友跑嚟跑去 遊樂場四周圍俾舊嘅邨屋包圍住 感覺好似番到細個嘅時侯 如果連遊樂場裡面嘅設施都變番做鐵皮滑梯同氹氹轉就好     呀芊第一時間就跑去要騎上隻馬度玩 點知唔夠高上去就嗌「爹哋呀」     當時大約中午時間所以一個人都冇 可以好放心咁俾呀芊喺度周圍走唔怕有危險                 要爬呢條鐵鍊橋就喺度不停話好驚 但係一路嗌又一路向前想試叫我扶佢     跟住呀芊發現呢個石級就不停爬 不過有d污糟！又俾人畫花哂 跟住唔知佢喺邊度學番嚟 爬到上去之後不停喺度話自己好型... 「爹哋，我好型呀！」         Photo by CANON 5D Mark III, Len | EF 24-70mm f/2.8L IS II USM 呀劍評分: 5分 呀劍評語: 一個普通遊樂場，不過地方都夠大同埋少人(睇時間)，不過有d污糟同埋喺度玩嘅小朋友都比較爛口......   地址 石硤尾 偉智街南昌街遊樂場 美映樓 美如樓 開放時間 24小時   (以上資料更新至文章當日) >>> 看看其他媽咪介紹香港公園 <<< >>> 看更多親子好去處 <<<     Facebook專頁: 呀劍萬帥 kimfamilytravel   Blog網誌 : kimfamilytravel.blogspot.hk