歡樂既時光過得真係特別快 眨下眼就完左七日既沖繩自駕遊之旅 想同各位靚媽分享一下沖繩自駕遊既心得同埋要注意既野 之前小羊羊爸爸未試過係香港以外既地方揸車,都有小小擔心會唔順利 ,點知完左成個旅程之後 羊爸話係沖繩揸車仲舒服過係香港揸車 完全零壓力 仲話黎緊想去北海道再接再厲添 咁之前都介紹過係OTS租車既準備功夫, 當日一落機行出到離境大堂 就會見到有OTS係度等緊預約左既旅客, 行埋去話佢聽咩名同埋預約編號, 佢就會比份野你再指示你去個旅遊巴候車處等OTS架專車黎接過去租車中心 佢比你個份野好有用 入面會有絕大部份景點同酒店既MAPCODE 所以大家唔洗話要準備定各景點既MAPCODE 咩係MAPCODE ? MAPCODE算係一個座標咁 你係架車既導航入面可以用景點電話或者景點MAPCODE去搜尋個地方 再進行導航咁 另外本野亦會有晒好多要注意既交通事項 例如發生交通意外時要點做 解釋下咩係安心保咁 亦有地圖顯示由南部到北部景點,MALL,酒店既位置 等大家可以對點對點既景點有個距離概念 值得大家係旅程時隨車攜帶 咁當日做好晒手續,提供左國際車牌 護照 同比埋錢 就會有專人安排你去拎車 拎車前會做一個驗車既程序 會同個職員由頭到尾睇一次架車 睇下有無已經花左既地方 有花既佢就會MARK低 表明係唔係你造成既 我地當時就發現到車門位有條黑色花㾗 就MARK低左 其他污積既地方佢就話唔會有事既 唔洗擔心會入我地數 咁驗好晒就可以簽名作實 就正式可以上車準備自駕遊 係日本揸車 可能因為規劃得好既關係 所以揸起上黎無乜壓力 只要SET好左MAPCODE同確認左行邊條路線 就可以開車 又提一提 架車一定要停定佢先會比你教個導航 同埋當你輸入左景點之後 可以有五條路線比你揀 但主要選擇既係得距離優先同有料迴避(行唔行收錢既高速公路) 揀好左就建議唔同再手多多掂下個導航 唔係點左唔知咩都幾慌 羊爸初初就係導航緊既時候手多多 搞到唔知個地圖移左去邊 最尾要係FAMILYMART出面既停車位 搞番好先可以繼續旅程 但事後慣左 原來導航最低有個”現在地”既掣 一㩒就會DISPLAY番宜家條路線同自己行到邊 沖繩既車路其實好簡單 主要都係一條直路咁行 當導航提示你轉彎既時候佢會由700米提一次300米提一次 就轉佢再講一次 所以都唔洗擔心話唔知幾時要轉 轉彎時要留意 右轉既時候 若果對面線係有對頭車 (十字路口最常出現) 咁你右轉時就要等對面無車你先可以轉 唔同香港當你轉緊時 對面係紅燈停晒比你行 另外, 當轉左同轉右時 行人路有時會係綠燈 咁就要讓左行人行左 先到你行 不過日本真係一個好有禮貌既國家 啲行人見有車都會急急腳咁行 唔洗你等太耐 建議下大家 若果導航顯示左5KM後要轉右 咁大家就應該預早少少入定右線 因為那霸市都算多車 有時唔係咁易話CUT就CUT到 所以大概轉前1KM左右行定右線就穩陣 因為沖繩轉彎時 都會由直路分拆一條轉彎既行車路出黎 等大家入線 唔好阻住條直路 所以預早入定線 又安全 又唔會阻到人嘛 而路牌方面 其實同香港都係大同少異 主要想講下時速限制方面 沖繩一啲主要國道會限速50 / 60 羊爸初初都會唔會超過個限速咁去行 但發覺其他車都飛住去 大概比起限制既速度多20左右 羊爸就話網上傳聞 當地人話超過限速25以上先會捉 所以佢揸揸下都跟番當地人既速度 呢個問題都想同大家探討下 因為有啲路得單程行車 你行50 後面就會變左一大條車龍 所以個限速都幾得意下 而係泊車方面 主要既景點都會有停車場比大家免費泊車 會唔會無位 ?? TOUCH WOOD 我地去既景點都未試過要等車位囉 唔同香港 搵個咪錶都難過人 不論大至超市 SHOPPING MALL 細至便利店都會提供停車位 所以揸車真係好方便 唔太需要擔心泊車既問題 不過國際通就應該要搵啲收費停車場去泊 但因為我地住國際通既酒店有附設停車場 所以比唔到意見大家 最後係入油方面 我地揸個架NOTE 入半缸油都係大概$200左右 都算抵玩 總旅程都係入左兩次油 第二次係還車前係OTS隔離個度入 而第一次入時 駛到去油站 職員安排左邊度停後 佢就企左係車後 羊爸以為佢會幫手入油 原來個度係自助入油既 咁就開定油缸 就係部油機度 選擇番要入幾多油 我地就選擇入滿 同埋會有三款油比你揀 分別係黃綠紅 紅色代表Regular 我諗即係普通汽油掛 OTS 本書寫明入油一定要揀Regular去入 預先入左錢去部機度先 之後就拎枝紅色油槍入油 入前最好摸一摸舊消靜電既位 就安全喇 入滿放好油槍 就可以拎張單去隔離部機度拎番餘額 就完成成個入油過程喇 仲有仲有OST 果度有優惠入場卷買 若果大家有機會去沖繩自駕遊 希望呢篇文可以幫到大家啦 好想快啲再出發呀!!! >>> 【看更多親子旅遊分享】 <<< >>> 【看更多親子旅遊分享】 <<<
