今日去完歷奇公園玩完之後 本來打算落荃灣廣場拜會吓三層壽司直送小火車 點知我用元氣咭登記攞飛唔Work 之後打電話問得知派籌同嗌既籌號相差100個.......... Ohno...於是去屯門睇吓有咩食 原來V City既峰壽司都有壽司直送小火車       上一站>>CLICK HERE! 【親子好去處】屯門 歷奇公園 Adventure Park 嚟到V City 峰壽司門口 籌派到我手係291 但係籌號叫到229.... 仲有63張枱先到我哋 真係同荃灣廣場元氣壽司不相伯仲.....     我梗係唔會企喺度等啦 我哋一家過咗隔離tmtplaza拜會Toy Story 20th 周年展 番到嚟個籌號都係叫到268 不過去到27X- 28X之間 突然急飛好快去到291.... (可能大家都見冇可能等到閃哂) 我哋因為要見識一下小火車 於是要等多3張枱先入到去       迴轉架位只得7個   其餘想坐近火車軌的只有 Bar 枱   我哋坐低後就見到架火車迎面而嚟!   火車軌喺迴轉壽司輸送帶上層   佢只係一條直軌冇得轉彎           當師夫預備好壽司之後   就會放在火車上然後按掣   火車就會高速送到你面前   你拿走壽司後只需按下紅燈掣   火車便會回到廚房起點         你拿走壽司後只需按下紅燈掣   火車便會回到廚房起點   因為太肚餓既關係   即刻喺迴轉壽司度拎兩碟俾佢哋醫醫肚先   兩個小朋友先嚟個謝飯祈禱先   妹妹成日以為自己已經瞌埋咗眼         跟住我同媽咪開始喺呢個iPad度落單喇!   操作簡單易明好好容易   之後我揀咗碟炸蝦卷   不過諗得耐咗iPad等唔到咁耐   張單會自己取消   跟住我再點番   有職員過嚟問我點一碟定兩碟   (原來頭先冇confirm送單個order自己confirm咗)   所以大家遇見呢個情況要留意吓                 小火車嚟啦! 但係佢真係行得太快       我又冇成日望住師夫幾時放壽司上火車   所以我未按掣之前同架火車影吓相先!             三點刺身盛 $75     蝦天婦羅壽司 $22     炸蝦卷 $26     蟹柳壽司 $14     燒餅風味炸鱆魚餅 $36 (唔抵食)     呢個好食!! 火炙芝士壽司(3款口味) $26     兒童餐 $48     呢個兒童餐仲有玩具送   當你Order咗之後   有個職員哥哥拎住一籃玩具俾你揀   應該就一個餐跟一樣玩具既   不過職員放低個籃就行開咗   又冇話只限我哋拎一樣   所以我就揀咗2幅攪笑眼鏡俾佢哋兩個 下一站>>CLICK HERE! 【親子好去處】屯門 屯門巿廣場 tmtplaza 反斗奇兵20週年玩具派對 Toy Story 20th Anniversary       Photo by CANON 5D Mark III, Len | EF 24-70mm f/2.8L II USM 呀劍評分: 8分   呀劍評語: 價錢有D合理, 有D徧貴, 好似個mini牛肉烏冬都要$38, 刺身或壽司味道尚算普通, 不過坐得舒服, 有架火車玩吓! 還可以吧 峰壽司 簡介: 迴轉壽司你見得多!最近峰壽司在屯門 V city新開的分店便想到新點子吸客——從日本引進高速迴轉帶！迴轉帶分兩層，下層是一般迴轉壽司輸送帶, 上層則是子彈火車路軌! 本店都是本著「快樂地進食的空間」為主題,使客人從未食過的壽司、最新穎的壽司等,都能在此提供得到。日本壽司店的關係,我們能夠容易找到新的商品及時令的食材,現在每年4次的「嚴選素材」及每年12次的時令鮮魚「旬の魚」等;年間約60種新穎壽司提供給客人,什麼時候到來峰壽司都可品嚐到最新款的壽司。 地址 屯門屯門鄉事會路83號V City MTR層M-65店 營業時間 星期一至日: 11:30-22:30 電話 3974 5780 網頁 http://www.minesushi.com/ 價錢 $100-$200    (以上資料更新至文章當日)     Facebook專頁: 呀劍萬帥 kimfamilytravel   Blog網誌 : kimfamilytravel.blogspot.hk