(網絡圖片) 要預防骨質疏鬆，好多人知道要補鈣，因為鈣質係骨骼最大嘅元素。 隨著年紀增長，鈣質會逐漸流失；如果鈣質攝取不足，再加上少曬太陽 (缺乏維他命D)，少運動，又經常飲濃茶/咖啡，都會加速鈣質流失，增加骨質脆弱/骨質疏鬆嘅風險。   要增強骨骼堅韌度，單單補鈣，原來並唔足夠，另外一個重要嘅元素係：骨膠原。   骨膠原 Collagen，其實係一種蛋白質，佔全身嘅蛋白質約30% (即身體約6%為骨膠原成份)。骨膠原唔只係面上有，全身嘅皮膚，體內嘅骨骼，細胞與細胞之間嘅結締組織，甚至頭髮，指甲都需要骨膠原支撐、承托，以保持彈性。   身體自己會製造骨膠原，但隨住年紀增長，骨膠原嘅製造能力下降，令骨骼堅韌度下降，如果再加上鈣質流失，更會增加骨質脆弱/骨質疏鬆嘅風險。所以，要增強骨骼堅韌度，「鈣質 + 骨膠原」，先至係最強嘅組合！ (網絡圖片) 要補充骨膠原，最簡單嘅係多進食膠質食物，以形補形。動物嘅鳳爪、 豬腳、牛筋、 豬軟骨、雞軟骨、花膠等，都含有豐富膠原，但要留意烹調方法，如牛筋麵加腩汁，炸雞軟骨等，都容易熱量超標！植物方面，豆類 (如黃豆、豆腐)，深綠色蔬菜 (如西蘭花、羽衣甘藍、 菠菜)，以及紅色嘅蔬菜 (如紅菜頭、 燈籠椒等)，亦有助刺激身體製造骨膠原。 (網絡圖片) >>> 想BB同媽咪健康，睇下營養師的建議!<<<