普天同慶嘅聖誕節又嚟喇！ 每年聖誕，我哋都好鍾意入主題公園感受節日氣氛。今年海洋公園嘅聖誕活動好豐富！鍾意去玩嘅朋友又點可以錯過呀？快啲跟貼啲，跟住一齊嚟「聖誕全城HOHOHO」啦！ 去玩！去癲！嚟Ocean Park~ 晴朗知道可以去海洋公園，之前一晚好早就上床瞓覺喇！一朝早大家都朝氣勃勃，心情特別興奮呀！ 入園後第一件事就係去海洋公園其中一個景點 -「怡慶坊」~ 好心急呀！好快就可以感受「超時空魔幻匯演」喇！ 排隊入場囉！行快啲啦！ 嘩！超巨型LED科幻舞台！加埋燈光同舞台效果，十足十去咗紅館睇show咁呀！ 晴朗嘅眼神話咗畀大家知佢哋係幾咁期待呢場魔術表演呢~ 我哋要準備接受一場魔幻考驗喇！ 事不延遲，魔術師在台上大玩小把戲，先同觀眾來一個熱身~ 玩完啤牌又玩繩索，魔術師技術精湛，加上幽默風趣嘅談吐，牽起連場笑聲~ 魔術師仲會同台下觀眾互動添！大家都按住指示用手夾住個鼻，好搞笑呀！XD 變幻莫測嘅魔幻匯演一觸即發！魔術師在煙霧瀰漫嘅玻璃箱中突然出現，呢種出場方式簡直令觀眾嘆為觀止~ 懸浮術表演亦都十分精彩！明明係冇嘢扶持，點解可以飛起㗎呢？ 都仲未想得通，魔術師亦都雙雙起飛，太神奇了吧！ 扇子魔術大師玩扇奇技玩得出神入化~ 晴朗睇到眼都唔眨，唔知佢哋睇唔睇得明呢？不過唔明都好正常，明嘅就做咗魔術師啦！XD 一幕幕精彩嘅表演，掌聲不絕。魔術師最後變出一把巨型扇子為表演畫上完美句號，好犀利呀！ 接住落嚟！輪到極速變裝上場~ 佢哋擁有超凡嘅神乎奇技，過程中換上好多件華麗服裝 講樣嘢你知丫！外國型男極速換衫，越換越靚仔呀！XD 除咗魔術，亦有高難度動作表演~ 箍住頸一直打圈吊上去，睇到我哋目澄口呆！家庭觀眾切勿模仿~ 驚心動魄嘅火籠逃脫嚟喇！ 變出一位美女來~ 美女再將同伴收入箱內~ 點火呢幕十分緊張！究竟箱內嘅人會點呢？ 放火都未夠，仲要插針。揭開箱後，同伴消失得無影無踪~ 幻變一下，同伴再次出場。熱烈嘅掌聲，好精彩嘅一場表演呀！ 最後一幕嘅齒輪車係熱切期待嘅重頭戲~ 演藝人員合力將魔術師推入車內，魔術師好唔願意仲大嗌：「NO!!!」 齒輪邊轉動邊降下，好快就會將魔術師鋸開一半喇！@.@ 我哋都睇到入晒神，究竟魔術師會唔會有事呢？ 鋸完之後，揭開車箱，魔術師已經唔見咗~ 在場觀眾由緊張心情變換為笑容滿面，好戲在後頭！ 魔術師由觀眾席後方高空而下，觀眾不斷喝采歡呼~ 精彩絕倫！觀眾讚嘆不已！掌聲不絕，好精彩呀！ 多位國際知名嘅魔術師同台獻技，每一位都互相配合得天衣無縫，真係一場GOOD SHOW!!! 散場嘅時候，散佈一地嘅彩帶最受小朋友歡迎！咁又玩得一大餐~ XD 魔術表演在超讚嘅舞台效果配合之下，每一幕都好難忘。呢場唔只係魔術表演咁簡單，包括咗音樂、舞蹈、燈光等效果。觀眾不停拍掌，大家都全情投入表演當中。係一次超凡體驗嘅魔術旅程呀！ 睇完緊張刺激嘅魔術之後，晴朗見到巨型聖誕樹都十分興奮雀躍！聖誕樹夜晚會有光影聖誕亮燈儀式，如果好彩仲可以同聖誕老人一齊主持儀式添呀！ 演藝人員對工作好有熱誠，合照之餘仲同晴朗傾計，為我哋愉快啲旅程增添了不少歡樂！ 巧遇「小紅熊」，好可愛呀！影完相仲要big hug一番，小朋友嘅快樂就係咁簡單~ 五臟廟鼓聲響起，又係四出搵食嘅時候喇！海龍王餐廳同冰極餐廳都試過，今次就試下大熊貓餐廳啦！環境都幾舒適喎！ 等待食物期間，我問晴朗如果魔術表演中放咗晴朗爸爸落去齒輪車咁會點呢？好殘忍呀！@.@佢哋唔識答，靜係識得不停笑~ XDD 嘩！熊貓包包好可愛呀！連白飯都做埋海豚形狀，小朋友一定鍾意啦！ 我哋唔客氣喇！唔知點解今餐食得特別快^^ 食飽之後，欣賞咗一陣雜耍表演。好佩服佢哋永冇失手嘅雜技，台上一分鐘，台下十年功！勁呀！ 晴朗指定要坐嘅海洋列車，坐到喇！見到八爪魚襲擊列車嘅時候，表現得幾咁開心？ 聖誕期間到處可見聖誕佈置，一定要同Happy Snowman影番張合照啦！ 趕得切睇海洋劇場，海豚同海獅都好落力演出。睇到晴朗嘩嘩聲！交足戲~ XD 回程不如搭下登山纜車啦！去海洋公園唔搭番轉纜車點算來過呀? 由二人變四人，將海洋公園帶畀我哋嘅歡樂一代傳一代。唔知有冇機會三代同堂再影過呢？^o^ 原來由高空望番落去巨型聖誕樹仲靚喎！夜晚亮燈後，在浪漫嘅飄雪之下，聽住「聖誕樂韻頌」，一定好有氣氛啫~ 嚟到香港老大街，就好似番咗去五六十年代咁~ 三蚊一斤菜，10蚊一個大西瓜，埋嚟睇埋嚟揀喇喂！ 朗朗自細已經好鍾意樹熊㗎喇！嚟親海洋公園實會去探下佢哋~ 不過每次見到樹熊都係瞓咗覺，反而跳跳紥嘅袋鼠就十分精靈，仲有會唱歌嘅小鳥添呀！ 臨走不忘入去禮品店買番幾件心頭好帶會家。聖誕期間仲會有特別設計嘅聖誕精品賣，聖誕造型公仔係期間限定㗎！配合番魔幻主題，仲可以買埋魔術道具同DVD添！簡單易學嘅小魔術，小朋友都可以成為小小魔術師啦！ 海濱樂園廣場變身為聖誕奇異花園，一系列嘅巨型樂器樹塑打造得維肖維妙。仲會有世界級真人雕像街頭表演添！ 到處都好有聖誕氣氛呀！ 想同聖誕老人影相，就要留意住聖誕老人樹屋喇！佢隨時會同精靈一齊出現㗎！ 聖誕限定美食：聖誕節特別多美食推出，好似海龍王餐廳同冰極餐廳就會有「魔幻聖誕大餐」同「HO HO HO海洋列車」聖誕兒童餐。而水都餅店亦都有聖誕曲奇餅同薑屋曲奇提供，係咪好吸引呢？小朋友見到實鍾意啦！ 「聖誕全城HOHOHO」除咗有全新超時空魔幻匯演，仲有一系列精彩豐富嘅聖誕活動。好似企鵝出巡咁，舞蹈員會穿上企鵝裝束沿路表演彈跳高蹺和花式雜技，仲會大派糖果添呀！潛水員亦會穿上節日服飾，同海洋奇觀嘅魚兒一同暢泳。小朋友一定要到威威天地玩激光迷陣，考考身手，爸爸媽媽仲可以一齊穿越重重難關添！好好嘅親子時光，一於帶埋小朋友嚟海洋公園過聖誕啦！ 仲未諗到送咩聖誕禮物畀親友？海洋公園準備咗三款禮券，送禮自用一樣咁啱！由2016年12月5日至26日期間購買更可享有折扣優惠添！禮券詳情： https://christmas.oceanpark.com.hk/giftvoucher/op-checkout-zh.html 海洋公園聖誕全城HOHOHO 活動日期：2016年12月17日 ~ 2017年1月2日 網址：https://www.oceanpark.com.hk/tc/park-experience/christmas-sensation-2016
