記得暑假既時候，同波ba 去到屯門栢麗廣場一層一層參觀唔同既教育中心，睇下有邊間可以俾小波波上堂。栢麗廣場真係有好多間唔同既教育中心，有中文有英文、有親子班、有小朋友學前班、興趣班......... 最後我地經過朋友介紹同親身參觀後，幫小波波報左班英文上既親子班，小波波13M開始上第一堂。 點解報堂俾上？好簡單，因為佢6月出生，算細B，要去n班面試，怕佢無反應!!!! 係咪怪獸家長？我覺得佢一星期上一堂，都唔算好辛苦，而且佢都好鍾意去玩 選擇親子班，最緊要小朋友接受個到既環境同老師，我地都試過其他既教育中心，但係波波唔太鐘意，會唔願意去郁，好想離開。但係呢間唔同，去到佢已經自己入課室玩，就算中途我要去洗手間，都願意跟住老師玩 :)   報讀親子班注意事項: 1）教育中心環境清潔，玩具、地板等，有沒有定時清潔 2）課堂時間長短--會唔會有茶點時間，如果1小時課堂包埋茶點時間，教學時間會比較趕. 小波波個間係上1.5小時包茶點，甘食都唔洗食得甘急，仲可以添食 3）小寶寶作息時間--避免於小寶寶習慣午睡既時間上堂，小寶寶會扭眼瞓，你要化更多力氣去控制佢，有機會會影響到其他人。小波波習慣1400-1600左右午睡，所以我選擇上午既親子班，1130-1300，上完堂食埋午餐，就會瞓著 報唔報親子班，每個人選擇都唔同，唔需要人報你又報，要岩自己時間，小寶寶又接受到。如果接受唔到，堂堂扭晒計，你都好辛苦。(扭晒計大喊，仲會影響到其他同學仔） 上完堂，回到家盡量同佢重覆課堂內容，甘先會印象深刻！ > 【看更多媽咪的PLAYGROUP分享】 <