放完假返尼,見到木台上面收到一份禮物 拆開見到 袋仔 : 餵奶巾 Wooo 好窩心呀 有少少估唔到 因為我上一胎都冇依份禮物 好多謝公司咁體貼照顧。 其實我上胎都一直揼到冇奶,公司全女班,我地幾個女同事一間房, 我只係帶住餵奶巾就係房一路揼奶一路工作,好多謝上司同同事既體諒同支持, 為我一直餵母乳打下強心針,都餵左15個m。 因為我知道好多在職母乳媽咪係係返工時都遇到好力既阻力, 公司冇提供地方,最壞聽過要係殘厠度揼奶 上司,同事唔支持,覺得你偷懶,多剩 返工壓力大,冇時間,搞到冇奶 真係好希望政府大力推動「母乳餵哺友善工作間」, 呼籲更多企業採取措施支援在職母乳媽媽,幫助更多母乳媽媽達成在職哺乳, 比在職既媽媽可以提供一個舒適既地方揼奶,因為母乳真係有一百萬個好既理由。