成為迪士尼奇妙處處通會員的好處, 好多時有會員優惠日(但已經變了質好多"公司"去入貨), 特別會員日, 新遊戲優先玩等等, 今次係期待以久的 "鐵甲奇俠飛行之旅", 見佢由起到而家已經一年有多, 就連馳車天地都要關閉去配合 終於可以試玩, 正式會係1月頭開放 因為入園前有節目, 係城堡餐廳食完野, 拿拿聲走過去, 但當時係光影會要等巡遊完先可以過到去, 所以都趕唔切係門口影相, 直接排隊入去 沿途入去有關於IRONMAN 的介紹, 但我對佢係唔認識, 哈哈   唯有知知地就係呢個紅色IRONMAN   行完一輪, 終於到啦! 史達前瞻智能眼鏡是必須配戴 於走廊的左右2邊都有得羅 時代進步得太快, 而家啲眼鏡真係好靚 水銀面, 帶眼鏡配戴又唔會頂住, 就連家姐同細佬戴都無咩問題 呢個遊戲有高度限制, 最少要102cm高, 家姐可以玩, 但細佬無得玩, 細佬止步了, 但我非常欣賞樂園的安排 預留了位置, 好似我地一家四口咁, 其中3個可以玩, 我地就分開家姐同媽媽先玩, 跟住就爸爸玩, 當家姐同媽媽玩時, 爸爸同細佬留係停留區, 玩完後, 走指定通道可以入返到等候區, 交換看管未能玩的家人, 對我們黎講真係好貼心, 唔會因為細佬而只得家姐同爸或媽玩到 但未知日後正式運作時會否同樣地有呢方面安排, 希望園方可以keep 呢個方案 呢到總共有5間"鐵甲號", 每間有45個座位, 預覽日眼見都算排得好快, 係機門等待時有片段講解注意事項, 家姐好留心聽 入到去坐好, 扣好安全帶, 家姐就叫我快啲舉高手比工作人員檢查 好啦, 準備出發啦 一開始由迪士尼出發, 沿經香港各景點, 旺角, 中環, 增添了一份親切感, 經過4分鐘的動感影院睇驗, 就輪到爸爸, 家姐陪爸爸再睇多一次, 我同細佬等佢地睇完出黎去影 IRONMAN   係出口處就可以排隊影 玩完出黎再行埋去隔離巴斯光年玩埋已經差不多放完煙花了, 臨走又有飄雪, 爸爸話細佬開始接受唔驚了 2016年呢次應該係最後一次入園, 明年再入啦! 想睇更多 2A o既相, 可以LIKE  黃家 2A 的快樂日誌 FB 頁 Facebook: https://www.facebook.com/wongaretha 歡迎邀稿試用 E-mail: 2Amamawendy@gmail.com   有關BLOG, 可到以下連結 MyBB Blog: http://www.mybb.com.hk/home.php?mod=space&uid=9473&do=blog&view=me She Blog: http://blog.she.com/buzzqoo/ Mamibuy: https://mamibuy.com.hk/home/448/article  生活易WOW: http://wow.esdlife.com/space.php?uid=62614&do=blog&view=me Blogger: http://2amama.blogspot.com/