桂格燕麥係每朝早嘅指定早餐，唔係講笑，我真係朝朝食㗎！雞蛋鮮奶麥皮煮起，再加少少蜜糖，好味到食極都唔厭。但究竟除咗煮麥皮之外，桂格燕麥仲可以點煮？「叮」~ 不如搞搞新意思！一於諗個創新燕麥食譜，同大家開心「些牙」啦！芝麻西檸汁香煎燕麥豬扒 材料：(1) 梅頭豬扒 4塊(2) 桂格燕麥 10湯匙(3) 雞蛋 2隻(4) 芝麻 1兩 調味：(5) 水 2/3杯(6) 檸檬汁 6湯匙 (兩個)(7) 蜜糖 2湯匙(8) 鹽 2/3茶匙(9) 吉士粉 4茶匙(10) 粟粉 2茶匙 醃料：(11) 雞汁 6茶匙(12) 薑汁 4茶匙 材料準備好！可以開檀作法喇！^o^ 做法：1. 豬扒切小件，用肉錘將兩面揼鬆 (冇肉錘可用刀背代替) 2. 薑切片，放入攪拌器打碎 3. 用匙羹邊按壓薑蓉邊榨出薑汁 4. 用薑汁和雞汁醃豬扒 5. 豬扒掩約15-20分鐘，備用 6. 榨檸檬汁 7. 將檸檬汁及其他調味料量好份量並放入容器撈勻 8. 西檸汁料預備好！備用 9. 白鑊慢火將芝麻炒至金黃色，備用 10. 豬扒沾滿蛋汁，再蘸上燕麥 睇唔睇得到有幾多塊豬扒呢？我都唔知。因為燕麥已將豬扒重重覆蓋~ XD 11. 煎鍋熱油後較至中火，將豬扒一面煎約兩分半鐘至金黃色 12. 反起，再煎另一面約兩分鐘。夾起豬扒，用廚紙吸乾油份，然後上碟 13. 白鑊倒入西檸汁料煮至濃稠收汁 14. 淋上豬扒面，再灑上芝麻粒便完成！ 晴朗今餐食得特別快呀！一定好好味啦！ 小貼士：- 購買時選擇較簿身的豬扒並切小件，煎時比較快熟- 豬扒用雞汁醃，煮出來顏色冇用豉油醃咁深色，而且冇咁容易煎燶- 油要夠熱，否則燕麥會淋，冇咁香脆可口- 油蓋過豬扒約一半厚度的半煎炸效果最理想- 豬扒煎好一面才反過另一面煎，如果不停兩面反來煎會令肉汁流失- 西檸汁最好先試及調味才淋上豬扒面 真係冇諗過用燕麥煎出嚟嘅豬扒脆卜卜咁好味㗎！西檸汁夠晒開胃，芝麻嘅香味令成件事更加吸引。夠唔夠色、香、味俱全先？仲有呀！揼鬆過嘅豬扒，肉質鬆軟可口，就連一向唔喜歡食肉嘅朗朗都要添多件呀！今次真係大滿足！將食譜交去營格燕麥食譜招募，仲有機會贏取現金$20,000添！大家都試下用桂格燕麥創作食譜，一齊參加啦！  營格燕麥食譜比賽網址： http://www.quaker-recipe.hk/index.php 晴朗天 - 食·玩·育·美·愛の親子平台 facebook專頁：https://www.facebook.com/happytrain123 blog：http://blog.xuite.net/chinglongtin/blog