今次台中次旅係小JM既First Trip, 因為小JM太細,我地預計行程唔會太趕或者去太多地方, 所以今次係"慢・活。台中之旅"。 你睇,小JM係機上面完全無訓過, 仲好百厭添! 媽咪都無得抖 第一日落機去到酒店都已經兩點幾, 放低左啲行李同媽媽牌係酒店之後就緊係"外出搵食", 隨便食左啲野食之後就再返去酒店Check-in。 Check-in 之後上到房真係嚇左一跳, 因為好耐無見過台中有咁大空間既酒店, 仲要係我地無預先通知既情況下, 酒店安排左BB床同BB浴盤添, 所以老公對酒店安排都好滿意。 到安頓好,小JM又食完 Tea 之後, 我地就出發去左搵朋友。 每年都總要見,真正既「一期一會」。 從無諗過係偶然既情況之下相識, 變成多年既朋友, 彼此見證住大家結婚,生小朋友。。。 今年,終於都到我地帶小JM來見下朋友們啦! 呢種機緣真係好難得, 我亦衷心希望可以一直保持下去! *特別感謝朋友係百忙之中都幫小JM買尿片 好貼心喔 去完快閃探朋友之後, 朋友就送左我地返酒店, 朋友都話呢區係新開既,而且係高尚住宅區, 所以好少地方行街, 但住宿就比較寧靜,岩晒小朋友同行既我地! 當返到酒店就緊係第一時間安頓好小JM先啦, 要為小JM預備晚餐先啦, 等小JM頭圍用膳完畢後, 就到我同爸B去逢甲夜市掃掃掃食食食。。。 就係咁,第一日既旅程就輕鬆地完結啦! 旅程中既Highlight: 購物、景觀の 大愛: (一) 日曜天地Outlet 台中。自由路二段94號 日曜天地係台中來講算係大型既Outlet, 一般大型既品牌都會有,就好似NIKE,Levi's,ROXY同Timberland等等, 而且地點便利,距離台中火車站只有10分鐘左右既腳程, 交通亦都好方便。 (我地今次帶著小JM,所以去邊都係Taxi來Taxi往) 交通資訊可以見下圖: 我同爸B就唔算買左太多野, 每人只係買左兩件風褸咁大把。。。 (二) 丁丁藥局 台灣既藥局林立,售賣既不單止係藥品, 而係包括左各式各樣既團嬰用品, 而且價錢比大型百供平。 為左方便小JM外出食Tea, 我地就係丁丁買左小JM鍾意食既小食, 因為台中好多地方都買到嬰幼兒用品同食品, 所以真係可以帶少好多野架! 乾乳酪真係好抵買,NTD$170 就有兩包 而Gerber 罐裝小食係香港好小地方會見到 (一田都唔多覺眼), 所以都買左一罐俾小JM, 同時亦買左Gerber既蘋果汁。 *下圖包果汁偏甜,小JM都係第一次試,好彩媽媽試左先,唔係就大獲!* 除左食物之外, 仲俾我發現咗餵食用具, 真係超方便,又唔怕小JM手多推倒打翻! 只需要將食物蓉/ 粥仔放入手抦就可以好放心咁慢慢餵食, 爸B媽咪每次只需要輕輕按一下手抦就可下將食物擠出, 完全唔需要擔心小朋友會推翻食物。 呢個系列備有兩款湯匙頭,一個係細孔,另一個就係大既。 大孔湯匙就算食粥都一樣無難度。 (三)ㄚ德俐鼠童書城 今次主要目的之一係去買玩具書俾小JM, 所以係出發之前就已經問左台灣既朋友邊度會有大型書店, 結果俾我搵到 "童書城",朋友亦都話係唔錯既一個好地方, 所以就決定同老公去睇下。 (原來都有好多香港人去 ) 交通資訊: 係書城收獲唔算太多, 只係買左三本音樂書同一本沖涼書 有左呢幾本音樂書之後,媽媽我應該唔駛不停咁唱歌啦掛?(應該) 剛好遇上童書城做緊聖誕優惠, 所有書款幾乎都有折扣,有啲仲半價添。 ABC音樂書: 按鍵後會發出ABC讀音之外,仲會有一個生字既讀音,讀音可以調教為國語/英文, 隨音樂書附有一本書冊,可以俾小朋友睇同認識生字, 另外仲附有一塊小小既手寫板,可以俾小朋友練寫字母添, 係非常貼心既小設計。 FOOD超人唱歌書: 唱歌書按鍵後會播出歌聲,有20首不同音樂, 隨書附有書冊及咪高風一枝, 方便俾小朋友大展歌喉。 同時唱歌書亦設有音量調節功能, 可以隨時調較聲音大小。 聖誕音樂書: 按鍵後會播出歌聲,有8首不同既聖誕音樂, 隨書附有書冊,內附歌詞。 同時音樂書附有3種聲音鍵, 可供小朋友玩:聖誕老人笑聲,門鐘聲同星閃閃聲 有左呢三本書,媽媽我應該可以抖下氣,唔駛唱到氣咳啦! 沖涼書: 唔駛多講大家都應該知道係要來沖涼用, 仲會發出吱吱聲添架! 當晚已經即時開左俾小JM拎左去玩啦! (四)手工頭飾專門店 不得了、不得了、不得了。。。 全間店都係各式各樣既小朋友頭飾, 小JM媽媽我又點會「手下留情」呢? 只係少少,少少咁,係咁咦影下就已經咁多種類, 真係花多眼亂。 每隻頭飾大約都係18-30蚊左右, 以手工頭飾來計,都唔算貴。 而且手工都好精緻呀! 結果,我係呢度都買左好多頭飾俾小JM 以下只係小部份,有啲仲未拆包裝。 我。真。係。買。左。好。多。呀。。。 (五) 彩虹眷村 台中。南屯區春安路56巷 除左買野同食野之外, 有一個景點亦想要提一下, 就係 -彩虹眷村! 但無去兩、三年變化都幾大, 由原本有人住既村, 變成而家只剩低彩虹爺爺的部份。。。 (有一半已經被拆除了) 唔講你可能唔知, 其實,彩虹爺爺都係香港人來架, 但就係二十幾歲個陣去左台灣, 而家彩虹爺爺都已經九十幾歲啦! 彩虹眷村係由爺爺一手一腳咁畫出來架, 真係少啲心機都唔得! 希望小JM大啲再去台中既時候彩虹眷村依然被保留啦! 彩虹眷村係一個影相留念既好地方, 趁著仲有機會就去下啦! (六) 逢甲夜市 相信唔駛多講大家都知道「夜市」係咩, 係一個有齊晒食、玩、買既好地方, 我同老公幾乎每晚都會去買「宵夜」, 真係想唔 "月巴" 都幾難! 夜市亦係一個Shopping既好地方, 我地就咁岩係夜市附近既Nike Rookie買到小JM對新鞋。 除左新鞋之外,就買左好多野添! 你睇! 鹿仔夾衣係台灣造, 而非國產貨, 質量都唔錯架。 又可以係聖誕節扮下靚。 另外仲買左個聖誕頭飾添,襯返下嘛! 除此之外仲係夜市既韓國童裝店見到岩小JM既黑色外套同頸巾, 真係忍唔到手! (以下為小JM是次旅程既收穫,而非全部夜市買架) 講完買買買,就緊係講下食啦 雖然以下介紹既野食唔岩小B食, 但真係好食呢。。。。 食 の 味: (一) 小林牛肉麵 北屯區北平路三段75號之一 幾年前係偶然既機會下遇見呢間麵館,竟然一試愛上, 所以每次到台中也必須試一碗, 或者係因為佢地既辣湯底既關係掛, 而且呢度既老闆亦都好好人添~^^~ 牛肚真係好好味,岩晒我~! (媽媽我不好辣,但牛肉的確好味既~^^~) (二) 屋馬燒肉園邸店 台中。公益路111號 自從PW Trip同老公係屋馬慶祝過生日之後, 老公竟然愛上左屋馬, 幾乎真係每年每次去都食一次。 今次有啲唔同既係,我地去左公益店食! 之前去親都係中港店, 今日次朋友Book左公益店, 原來又係另一種感覺! 園邸店感覺比較高尚, 設計亦較時尚一啲, 裝潢的確睇得出係花過一番功夫! 園邸店比中港店好既地方有幾點: 1.)卡位比較適個帶同小朋友用餐 2.)通風做得比較好,食完唔會一陣燒肉味 3.)招呼比中港店更加到位 (三) 大坑東山棧甕缸雞 因為要去童書城既關係, 順路試左地道既甕缸雞。 睇落外型以為好乾, 原來又幾多汁,雞肉又滑溜架喎, 真係估唔到! 但本身隻雞係無用調味來醃過, 所以唔會有其他調味料既味影響左本身既雞味, 食個陣就有純厚既雞香味! (兩個人食一隻雞,真係幾飽!) 今次 小JM 既First Trip 總算無驚無險地完結, 但係爸B同媽咪就因為買太多野既關係, 變相要「兩個細喼去,變一個大喼兩細喼返」! 睇來,又要爸B再努力搵多啲錢錢先可以一家人去生日Trip啦! 爸爸,你加油啦! >【PLAN緊同BB去旅行? 看更多親子旅遊分享】< ♫ ESDlife靚太Club 。 星級榮譽會員 ★ sleepyceci ♬ ♩ BK Milk。親子語。駐站Blogger ★ 傑。斯與晴 ♪ ♫ Mami Buy香港媽咪幫。駐站Blogger ★ 傑。斯與晴 ♬ 歡迎追蹤 小JM 既Fanspage 「傑。斯與晴」: 如有任何查詢/合作,歡迎聯絡我同小JM 參與產品試用或者各樣活 動媽咪既Email係: sleepyceci@hotmail.com 小JM既Facebook Page: 傑。斯 與 晴 (Jolie Babe。小JM の 成長印記)