旅程完結後， 爸B媽咪依然係忙住返工。。。   係旅行之前媽咪手多多幫小JM報左名參加「領展x親子王國Kewpish Love天使BB馬拉松爬行大賽」， 但就要等抽籤先知道有無得參加， 話時話，小JM自出世以來都未參加過呢類型既爬行活動架 唔知小JM到時會唔會肯爬下呢？    終於，係旅行個陣收到中籤既通知，真係格外開心～＾＾～     小JM第一次參加爬行大賽架咋， 媽咪知道中左籤之後都好開心， 因為媽咪總覺得爬行大賽點都要參加一次， 不論輸贏都好， 最緊要係參與，留個少少既紀念。 不過好可惜爸B要返工陪唔到小JM去， 所以就要由媽咪來引領小JM啦！   星期六當日，眼見會場好多小B們， 場面真係好熱鬧， 爸爸媽媽們就忙住去為小B們登記參賽資。   你睇下條隊幾長。。。 大會亦都安排左一份小禮物送俾每一位到場既參賽小B：  禮物都幾多樣化： －尿片試用裝 －洗衣液試用裝 －鼻爽貼試用裝 －濕紙巾 －食物碟 －消毒液   成個場地有好多小B添呀！   今次既爬行比賽係分組別既， 只限六至十二個月大既小B們參加， 而且登記個陣都要出示證明架。 分組將會以小B既月齡為限，所以比賽絕對公平 參賽既小B們仲要著晒襪仔， 以確保清潔衛生添！   比較場地：    比賽以每組八位小B為一個組別， 同時每位小B都要係背後貼上大會提供既參賽貼紙以供識別架！ 比賽係限時制，小B們要係兩分鐘內由起點爬到終點架。   為左公平起見，大會一律不準爸B媽咪以開左封既食物去引小B， 所以媽咪們只可以用小B既心愛玩物來引導小B啦！   要引小JM其實唔難，只要有三寶就可以啦：  －安睡用奶咀 －紙包飲品 －紙巾   係每組比賽開始之前大會都會為該組別既小B同家長們影相留念， 影完相就當然係開始比賽啦！   你睇，第一組別既小B同媽咪們呀！   話咁快就到小JM比賽， 雖然小JM因為食飽有啲眼訓同聽到同組其他小B喊而想喊， 小JM一路扁咀想喊，但依然好叻咁繼續爬爬爬。。。   結果最後小JM都有第二名，唔駛包尾   係媽咪心目中小JM已經好叻啦！ 多謝你咁努力去嘗試呀，小JM！ 我地又多一個美好既回憶啦！   你既人生賽跑之旅會陸續有黎架  加油啦！爸B同媽咪會支持你架！     ♫   ESDlife靚太Club 。 星級榮譽會員 ★ sleepyceci   ♬ ♩    BK Milk。親子語。駐站Blogger  ★ 傑。斯與晴   ♪ ♫    Mami Buy香港媽咪幫。駐站Blogger ★ 傑。斯與晴   ♬   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）