副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【C。J の 爸媽手記】飲出豐盛母乳路

打從知道懷有小JM起,我已同老公溝通,表示我會以母乳餵養小JM,而當下老公亦表示會全力支持,因為老公都明白母乳比奶粉更符合小朋友既需,而且營養較為豐富,更可以加強小朋友既免疫能力。

打從知道懷有小JM起, 我已同老公溝通,表示我會以母乳餵養小JM, 而當下老公亦表示會全力支持, 因為老公都明白母乳比奶粉更符合小朋友既需, 而且營養較為豐富,更可以加強小朋友既免疫能力。 老公仲身體力行,陪我買母乳用品添。。。   但當懷著小JM到五、六個月既時候, 我曾經試過被長輩勸阻餵母乳, 當中既對話令我感覺有如被潑水一樣。。。   對話如下: A:長輩        C: 我   A: 你第時想餵人奶呀? C: 係呀,因為知道人奶對BB既免疫力好啲,會健康啲,而且營養都好啲 A: 嗯,但係都餵唔到好耐。你打算餵到幾時? C: 如果可以至少餵到一歲啦,會比較好呀嘛! A: 嗯,頂多咪到三個月 C: (搶答)我想試下餵到一歲! A:俾盡你呀咪餵到半年,咩都夠啦,你邊有咁多奶呀? C: 。。。 。。。(無言,只能以笑相對)   而另一次被打擊係發生係BB出世後因黃疸而照燈, 長輩A不停叫我買奶粉,話小JM食唔夠所以黃。。。   到 小JM滿月,我再聽到另一位輩份更高既長輩同我講以下對話:  B:點呀?餵人奶辛苦嘛? C: 唔辛苦,最緊要BB好者 B:諗住餵到幾時呀? C: 如果可以想餵到一歲啦 B:嘩!一歲!餵到三個月好啦,唔係會好痴身架!記得啦,餵三個月夠啦! C: 。。。 。。。(無言以對,而且我開始有少少黑面)     先澄清一下,我媽媽都非常支持我餵母乳, 因為我同細佬都係飲母乳餵大既, 所以媽咪都覺得我既決定同選擇係岩既!   我想話: 我算係一個 "富媽媽",我復工後一日只泵四次每日「產量」仍然有四十幾安   我為左唔俾人睇低,係小JM出世之後都一直密密埋身餵 直至復工前個幾星期先轉做 「泵媽」。。。 夜晚有時間都會照親餵喔!^^ 但為左保持及提升奶量,我一直都盡量休息同應食得食  (遇強越強系統已經被啓動! )   除左平時多飲水或湯水以外, 我發現左有三樣飲品對我來講係可以做到提升奶量既效果!   1. 椰青水     早係孕後期已經開始飲,既可清胎毒又清潤     原來產後飲更加可以增強奶量,     所以真係一種唔錯既飲品! 2. 牛油果鮮奶加蜜糖 (台灣朋友推薦!)     呢一款飲品需要自家製,而材料好簡單:      牛油果半個 或 一個     鮮牛奶一盒 至 兩盒      蜜糖 適量   做法:  1.)先將牛油果切開去皮 2.)將牛油果放入攪拌機攪勻 3.)將鮮牛奶加入,同牛油果一同攪拌 4.)最後再加入適量蜜糖就可即時飲用   **如果唔想飲凍飲,可以係打勻晒之後拎去加熱,係飲之前先加蜜糖都得架 )     因為牛油果唔係個個都接受到佢既味道 (包括我),   所以我會落多啲牛奶同蜜糖去沖淡佢原有個種青草味。。。     如果接受到牛油果既話,其實就咁食已經有增奶既功效,   但可惜我真係接受唔到,所以就只好將佢打成汁一齊飲。   3. 黑麥汁     黑麥汁其實係一種天然素食品飲料,味道香甜,有氣,好似汽水咁。     黑麥汁含有豐富蛋白質、維生素、礦物質及天然酵素,     能夠減低動脈血壓,增進血糖代謝,     而對於餵母乳的媽媽來講,     黑麥汁更可產生發奶既效用,更可以令皮膚變好,     而黑麥汁中既纖維更加以幫助去BUBU添   我雖然唔係日日都飲以上既野, 但有飲既日子漲奶情況真係會快好多。。。   復工前個零星期開始調節泵奶時間, 岩岩復工三星期, 而家每日都會泵四次,時間分別係: 0700; 1300; 1930; 0000 (每次三十分鐘) 好感恩復工後依然保持到奶量,平均每日都有至少四十安,多個陣可以有四十六或四十七添。。。 小JM既糧食(呢度兩枝夾埋十二安。。。)   一日奶量夠晒小JM食有餘, 食唔晒個D仲可以冰起佢,以備不時之需 而家既儲備因為已經多到塞滿左成個冰櫃, 所以只好將上個月份既拎來沖涼, 再將新既儲起。。。   呢度就係上格雪櫃既情況啦 左手邊既冰奶會朝早拎出來溶雪, 等夜晚同小JM沖涼用   右邊個啲就係每日新鮮既媽媽奶 會係每次泵完分好晒合適既安數 方便返工個陣姐姐或屋企人餵 (我只會keep住五枝存貨,有多就冰起以免浪費)   呢度就係成個儲備庫。。。已經滿晒全個冰格啦 (可以話係儲備充足)   正因為呢個成果,長輩A已經無再出聲提起:買奶粉 呢回事   所以各位雙職媽媽都要加油, 我地唔可以俾人睇低架! 我地自己都未嗌辛苦,長輩們又憑咩阻止我地!   而家小JM已經十個月啦, 雖然我無再盲目咁去不停儲備, 但都會照樣留少少做後備。 看從小JM加固後我都少左泵啦, 而家只會Keep 早晚兩泵, 始終親餵先係最Warm最Close既~ 我開始好期待小JM同我一齊過渡1 歲Check-Point!   >【看更多媽咪的育兒感想】< >【看更多媽咪分享她們的母乳之路!】< ---------------   ♫ ESDlife靚太Club 。 星級榮譽會員 ★sleepyceci  ♬ ♩BK Milk。親子語。駐站Blogger  ★傑。斯與晴  ♪ ♫ Mami Buy香港媽咪幫。駐站Blogger ★傑。斯與晴  ♬   歡迎追蹤 小JM 既Fanspage 「傑。斯與晴」:   如有任何查詢/合作,歡迎聯絡我同小JM 參與產品試用或者各樣活動 媽咪既Email係: sleepyceci@hotmail.com 小JM既Facebook Page: 傑。斯   與   晴 (Jolie Babe。小JM の 成長印記)