“一齊玩啦一齊玩啦” “係咪我個仔有咩問題? 佢唔同其他小朋友玩?” 父母希望發展小朋友社交， 所以好自然鼓勵小朋友一齊玩， 其實小朋友幾大先識得真正嘅“一齊玩”? 一歲?兩歲?三歲?   比以下嘅資料大家，了解你嘅小朋友多一點☺ 根據Parten嘅社會互動遊戲理論， 兒童遊戲可以分為以下六個階段:   ▶無所事事行為（unocuppied behavior） ──0歲至2歲 嬰幼兒常常走走看看，並無什麼目的。   ▶旁觀遊戲（onlooker behavior） ──2歲至2.5歲 幼兒開始對週遭一切好奇，進入直覺判斷時期。幼兒開始被玩樂中嘅小朋友同遊戲所吸引，藉由旁觀而得到娛樂，而不願意參與其中。   ▶獨自遊戲（solitary independent play） ──2歲至2.5歲 幼兒同其他小朋友喺同一場所，各自玩唔同嘅玩具，彼此之間唔會發生任何關係。例如:一個小朋友玩玩具車，另一個小朋友正在幫玩具bb沖涼。   ▶平行遊戲（parallel play） ──2.5歲至3.5歲 幼兒同其他小朋友喺同一場所，玩相同嘅玩具，但彼此之間唔會發生任何關係，只係各自玩，稱之為「集體的單獨遊戲」。例如:波波池中各有各玩。   ▶聯合遊戲（associative play） ──3.5歲至4.5歲 兒童間會出現簡單互動行為，例如指揮、模仿、命令，交換等等。由於未發展出組織、規則或角色安排嘅能力，只係有較簡單嘅互動行為。例如:沙堆中一齊堆疊沙塔。   ▶合作遊戲（cooperative play） ──4.5歲以上 兒童開始發展高認知能力嘅遊戲，遊戲通常有目的，主題，角色安排，規則等等，亦需要彼此分工合作。 >【看更多幼兒教育文章分享】<