Babymoon 即係襯你肚入面個bb仲未出世， 同老公2人世界既蜜月時間啦 哈哈 但適唔適合去，同埋去邊，大家就要諗1諗， 身體方面可以請教一下你個婦產科醫生 地點方面就最好選擇環境乾淨舒適，治安安全， 食物衛生良好既地方啦，始終又有大又有細   對上一次去韓國果陣都係陀住細細B，但係湊住小羊羊都唔係好輕鬆 今次我第２次放低個囡，(第1次係生完第2個月去左新加坡3日)  好耐都未同老公去SWEET SWEET 拍拖旅行啦，去之前好期待 咁其實我都覺得好需要既，係一個維持夫婦關係既好時機 係香港真係冇咩時間日對夜對咁耐，最多夜晚出街食飯拍拖２粒鐘 同埋今次生完細細ｂ應該真係冇咩機會掉低晒佢２個咖喇　 我今次真係好唔捨得小羊羊，臨去機場果陣問老公仲買唔買到機票比個囡 之後第一晚FaceTime佢果陣見到佢喊 我都想喊出尼 嗚~~~~~   本身我想去陽光與海灘既，但係最理想既泰國又因為寨卡唔敢去 所以我地今次揀左鹿兒島，係襯HK EXPRESS特價果陣買既 但都要$2500/ 2個人 最主要尼日本都係想買BB野啦，做人呀媽係咁咖啦，依家仲要有2件 同埋自駕遊，我地想去邊就去邊，可以慢遊一下，我又行少好多路 其實我今次真係做團友，老公又係司機又係導遊，好幸福呀。  咁其實我去完依個Trip都覺得好值得，又買到野比小羊羊同細細b 同老公又sweet左4日，如果唔係可能要5-6年後先有機會咖啦 哈哈 所以如果大家都有機會 一定要好好把握去一次babymoon呀　珍惜二人時光 遲下打埋鹿兒島既酒店篇&行程篇 可能鹿兒島比較鄉下，d野比較平，同埋冇咁逼，好舒服既旅程。 >【看更多媽咪分享 #BABYMOON 旅遊經歷】<