繼沖繩之旅首嘗自駕遊既寫意之後，今次鹿兒島之旅亦再次嘗試自駕遊， 因為地方好大，要點到點到達目的地，等車又要時間，轉車又要搵， 加上陀住細細B，梗係要遊得舒適。   但網絡上面多數搵到既資訊都係講北海道沖繩多， 而講鹿兒島自駕資訊既相對就少之有少。所以第一步租車已經同沖繩有啲分別， 一提沖繩自駕遊大部份朋友都係講ＯＴＳ就已經夠，簡單方便。 而離開左沖繩縣之外，就唔再係ＯＴＳ既世界，而係有其他租車公司俾大家選擇。 師奶精神當然要隨時隨地都要秉承，租車方面當然都要慳！ 無左ＯＴＳ早鳥優惠呢啲只要早約就有虫吃既項目，唯有開始從各租車公司比價入手。   咁係搵既過程中，原來都有唔同既比價網站方便我地啲師奶去睇， 今次我就用左Ｔｏｃｏｏ！呢個網進行租車，因為睇過幾個比價網， 得出既結果係呢個網所出既價比較低，當然搵佢租啦。而係Ｔｏｃｏｏ！ 顯示眾多既租車公司入面，ＢＵＤＧＥＴ呢個租車公司Ｔｏｃｏｏ！ 竟然有早鳥優惠，比起其他公司既價錢明顯平啲，咁就選擇左租ＢＵＤＧＥＴ呢個租車公司。   Ｔｏｃｏｏ！網有繁體介面，有過沖繩租車經驗已經唔覺有難度， 揀好車型，填好資料就完成預約。不過Ｔｏｃｏｏ！ 有項強制收費叫Tocoo! Additional Support，會收你８１０日元一日， 其實即係額外既保險由Ｔｏｃｏｏ！去承保。但租車公司一般都會提供各自既保險， 所以呢８１０日元係硬食，但埋番條數都仲係平過其他網站， 所以都唯有照比，當買多個安心。   咁完成預約之後，Ｔｏｃｏｏ！就send番預約確認Email比你， 當到旅行拎車個陣帶埋呢封確認信，香港車牌，國際車牌，證件，找數信用卡就搞掂。  注意：ＢＵＤＧＥＴ呢間公司同鹿兒島機場有少少距離， 公司會話當你到達既時候打電話俾佢通知你已經到左， 佢就會派專車黎接你去租車公司。 我地當日入左境就係Information center搵當地人幫忙通知租車公司， 只要提供姓名俾helper佢就會幫你。 咁你就可以係專車接送個車站位置等公司員工過黎接應你。   駕駛方面同沖繩無乜大分別，大家有意既都可以嘗試到九洲地區自駕。 若果有其他優惠情報或者途徑，歡迎交流，齊齊做個精明人妻。 >【看更多媽咪分享 #BABYMOON 旅遊經歷】<