副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【C。J の 爸媽手記】產後脫髮迷思

「產後脫髮」我相信大部份孕媽同媽媽們都聽說過,甚至乎已經體會過。「產後脫髮」的確係令人擔心既一個問題。由小學時代開始,我已經好鍾意留著長長既直髮,就算知道有左小JM都唔太願意去剪短...

  「產後脫髮」,我相信大部份孕媽同媽媽們都聽說過,甚至乎已經體會過。 「產後脫髮」的確係令人擔心既一個問題。   由小學時代開始,我已經好鍾意留著長長既直髮, 就算知道有左小JM都唔太願意去剪短, 甚至到小JM出世都無再剪短過頭髮。 而我就係小JM達入第五、六個月左右開始出現產後脫髮既問題, 脫髮既問題都令我覺得好擔憂同困擾。 (頭髮周屋都係,仲要老公、姐姐、奶奶都有話我好似甩好多頭髮。。。,聽完好傷心)     到底「產後脫髮」既成因係咩? 又有無辦法可以改善? 對於以上既問題,我都一一細心咁了解過, 不如大家一齊探討一下      「產後脫髮」既成因? 其實「產後脫髮」既發生情況非常普遍, 幾乎有百份之35至45左右既媽媽們係生產後都會有產後脫髮既情況。 產後脫髮既情況大多數會出現係產後幾個月後( 因骨質而定), 而主要係因為懷孕期既內分泌產與生產後既有左變化而引起既。   因為懷孕期孕媽們體內既「雌激素」會激增, 令孕媽既頭髮生長得比平常快,同時仲會比時間更亮麗添;  但當孕媽生產後,「雌激素」就會開始減少,慢慢回復到原來既正常水平, 因此會令原本亮麗既頭髮突然變得衰老,甚至出現脫髮既現象添。 而大部分出現脫髮的位置大多數會係頭部既前三分一處, 即係前額呀、太陽穴呀咁。。。   「產後脫髮」既問題一般大約半年左右就會慢慢改善, 頭髮會慢慢恢復至孕前既正常狀況, 脫髮情況亦會減少。   所以孕媽們同媽媽們都唔需要太擔心, 因為太過於擔心都會有影響架, 不如試下放鬆一下心情,話唔定效果仲好啲呢!     引致「產後脫髮」 既其他原因? 1.)生產後身體虛弱     -    生產時媽媽們都會 "費盡心力",甚至用埋 "洪荒之力"咁滯,實行令到身體元氣大傷啦,         所以生產後一般身體都會比較虛弱,媽媽們坐月既時候要額外小心護理身體。       -    而係中醫學既角度而言,會有幾類人既體質更加容易出現脫髮問題:         *虛症        -即血虛腎虛體質         *血熱症    -即喜歡食煎炸、過度滋補、血熱既體質         *肝鬱症    -即心情煩躁不安、產後有抑鬱、肝氣鬱結人士既體質   2.)休息時間不足     -    新手媽媽產後可能因為太緊張照顧小B們既關係,以致忽略左自己既休息時間,         從而影響到身體及精神。媽媽們應該多加休息,以便有足夠既體力復原。          3.)營養虛秏問題     -    產後既媽媽們對營養的需求比我們更多,以補充流失的營養。         但,有啲媽媽可能怕「肥」而忍口節食,若再加上餵哺母乳既話,就會更易出現營養不足的問題         餵哺母乳所需既營養比一般高,如果因節食而缺少吸取蛋白質、維生素之類的營養的話,         就好容易影響到頭髮的正常生長。   (我都係全母乳既媽媽,但我一於好少理,最緊要食飽!)   想要改善產後脫髮問題其實唔難, 以我自己而言,只係用左幾個月時間就無再瘋狂甩髮, 最重要都莫過於要注意飲食同休息, 但當然我亦有轉用其他洗髮護髮產品去輔助。     可以點改善產後脫髮問題? 1.)均衡飲食不偏食     -    產後需多加注意飲食,應均衡吸取營養,應多吃蔬果、海產、蛋類等,         但需要避免太油膩發太辛辣既食物,以免影響吸收   2.)保持心情輕鬆     -    雖然脫髮係好困擾,但媽媽們千其唔好太憂心,而成日變得鬱鬱寡歡咁,應該要保持樂觀心態   3.)按摩頭皮     -    按摩頭皮可以刺激頭皮既血液循環,有助改善脫髮問題         可以嘗試係洗頭既同時以指腹點按,按摩頭皮,會有助促進血液循環架!   4.)使用防掉髮產品加護     -    除按摩以外,可選用防脫髮洗頭水護髮護等,以減低洗髮時甩頭髮既問題          5.)湯水、食療法     -    係中醫角度而言,想要調理身體幫助生髮係可行既,只要煲多啲健脾行血既食療同湯水就可以         就好似淮山、紅棗及白術等。      養髮湯水。食療 知多啲    黑芝麻黑豆漿   材料: 黑芝麻    30克 黑豆    180克 清水    4杯   做法: -先將黑芝麻、黑豆浸過隔夜 -再隔去水份,放入攪伴機打勻 -取出並隔去黑芝麻、黑豆渣,再加水煲約1個鐘 -最後可以因應個人喜好而加入 糖/鹽,或唔加調味亦可   黑豆含有氨基酸,對生髮有幫助, 而黑芝麻則含有豐富既維他命,係中醫角度來講,仲可以令頭髮更烏黑添     首烏紅棗雞蛋   材料: 首烏    50克 山萸肉    15克 紅棗    15克 雞蛋    2隻   做法: -    先將首烏、山萸肉、紅棗及雞蛋洗淨 -    放入煲內慢燉 -    雞蛋熟左後去殻後放回,再煮20分鐘 -    最後加入紅糖即可   有補腎、養血生髮既功效, 對於產後肝腎不足都有幫助     不過點都好,最緊要媽媽們放鬆心情,多加休息, 咁樣自己人都精神啲即時靚晒!     ♫ ESDlife靚太Club 。 星級榮譽會員 ★sleepyceci  ♬ ♩BK Milk。親子語。駐站Blogger  ★傑。斯與晴  ♪ ♫ Mami Buy香港媽咪幫。駐站Blogger ★傑。斯與晴  ♬ ♩Ohpama。Oh爸媽。駐站Blogger  ★傑。斯與晴  ♪   歡迎追蹤 小JM 既Fanspage 「傑。斯與晴」:   如有任何查詢/合作,歡迎聯絡我同小JM 參與產品試用或者各樣活動 媽咪既Email係: sleepyceci@hotmail.com 小JM既Facebook Page: 傑。斯   與   晴 (Jolie Babe。小JM の 成長印記)