12月尾, 我們一家4口去了一個跨年旅行, 目的地台灣, 6日5夜, 我地只留係台北, 原因係, 我跟本唔識PLAN 行程, 哈哈, 去旅行都係想家姐細佬開心, 所以所有地點都係向住同家姐玩出發 台灣呢個旅行TRIP, 買機票, BOOK民宿, 中間有著不少問題, 因為一向都係跟團人, 要自己訂機票同住再要諗行程, 真係幾考起我 不過最後都係成行了, 甩漏總係有啲, 但我們一家都好開心 去旅行, 我地首先決定佐為咩而去先決定到去邊, 跟住就要諗出發日期, 更要考慮埋返學, 最後我地揀佐12月29日出發, 1月3日返, 3號返的機票加住多晚, 比我地2號返化算, 所以家姐請一日假咁多啦! 航空公司都係我地都要揀, 去台灣有幾間比較多人坐, CX, KA, CA, 長榮, 最後我地揀佐大公司的KA及CX聯營航班 中午1點多機, 一個多鐘頭機程, 到達台灣要3點幾 短短的機程, 有一餐小吃, 食完坐多陣就到啦! 岩晒細佬唔駛太長時間比我抱住 一家4口去咁多日, 基本上係衣物多, 加上有2個小朋友, 衣物都要多帶幾件, 不時之需用, 我地只帶佐一個大喼同一部車, 對於搭車上, 爸爸負責羅個超重喼, 我揹住細佬, 拖住家姐羅埋BB車 搭1點半機, 10點幾出門口, 青衣入機場好快同方便, CHECK IN 有26KG, 真係好重!!! CHECK 完IN 去食佐LATE BREAKFAST/EARLY LUNCH的老麥早餐, 跟住過關慢慢行去閘口等上機 細佬坐呢部機場BB 車坐得好開車, 所以....家姐都要坐下 行佐一陣一上得機啦! 上到機就有小食餐啦, 大家記住同航空公司BOOK 返兒童餐或嬰兒餐呀! 家姐的兒童餐 佬佬的嬰兒餐 大人的正常餐 短途機真係好簡單, 就連TEA OR COFFEE 都無點問過 收返餐後品, 坐多陣都落機了! 一落機, 家姐坐BB車瞓, 細佬我揹住瞓佐, 好彩台灣人好好, 有親子通道過關, 唔駛排好耐, 我地已經過佐關, 出佐海關第一件事梗係要同個世界接連返先, 去羅個book 好佐的wifi router, 價錢每日只係7蚊到一日, 任用, 收得幾好, 最抵讚係我share 2個電話用, 電量可以用到10個鐘, 到夜晚先無電. 羅完wifi後, 盲摸摸去搭車出台北車站, 旅遊書介紹有國光同大有, 我地揀最快有車的大有, 坐佐一個多鐘, 終於到佐台北車站, 再轉的士去民宿 第一日預算行程係西門町行街同夜巿, 結果............. 家姐係飛機上凍親, 落機發燒, 坐大巴去到台北車站, 我地轉的士去西門町民宿, 上到去安頓好晒行李, 諗住叫家姐落樓食野返上去食葯, 佢就嘔返係機上飲包朱古力奶, 但都要迫佢去食野食葯 唔舒服, 多謝家姐強顏歡笑同我地影呢張相 雖然西門町都唔少野食, 但要揀清淡的, 我地都搵佐好耐, 最終揀佐牛肉麵 家姐真係好唔舒服, 唔想食, 但我都迫佢食佐少少  結果返上去食完葯嘔返晒出黎 ~_~ 嘔完, 再叫佢落街買佐白蛋糕, 夜少少回返神, 肯食2啖, 2個都早啲訓, 希望第二日快啲recover 啦! 想睇更多 2A o既相, 可以LIKE  黃家 2A 的快樂日誌 FB 頁 Facebook: https://www.facebook.com/wongaretha 歡迎邀稿試用 E-mail: 2Amamawendy@gmail.com   有關BLOG, 可到以下連結 MyBB Blog: http://www.mybb.com.hk/home.php?mod=space&uid=9473&do=blog&view=me Mamibuy: https://mamibuy.com.hk/home/448/article  生活易WOW: http://wow.esdlife.com/space.php?uid=62614&do=blog&view=me Blogger: http://2amama.blogspot.com/