瞓佐一晚, 起身時家姐已經退燒, 但真係怕佢會再燒, 同爸爸討論完, 我地都係照原定計劃, 同家姐去BABY BOSS玩足一日 又要係西門町搵一輪食早餐, 我地可能太揀擇, 好難揀要就埋細佬, 揀佐KFC食 今日去搭捷運, 路線圖都易睇, 上落月台搭LIFT 快過港鐵好多, 佢地都唔會濫用, 係台灣我會去等LIFT, 香港我寧願叫家姐落車搭扶手電梯 轉車, 腳程, 家姐好期待的BABY BOSS 到了 大家記住帶PASSPORT 去, 旅客有8折入場呀! 半日場同全日場, 票價相爭200台幣, 我地比家姐玩足一日, 佢真係開心到無朋友 BABY BOSS 同香港的童夢城相似, BABY BOSS 係更多, 更多工種, 唔需要買相, 仲會安排影相時間比家長, 任睇唔嬲 細佬悶足一日 家姐你就開心, 細佬就........ 家姐打佐好多份工, 外科醫生, 牙醫, 客房服務員, 消防員, 搖滾音樂工作室, 礦工, 時尚沙龍, 入油員, 牛奶收集員, 舞台演員, 便利店員, 我覺得最好玩係搖滾音樂工作室(打鼓)同便利店員 打完每份工同香港一樣會有工錢, 儲起可以換禮物 家姐玩完都7點幾, 諗住過上引水產食野 點知.................... 無野岩我地食, 我地到此一遊就走 好彩係BABY BOSS 同2位老細食佐野打底做晚餐, 我地返到西門町食埋碗阿宗麵線就算數 前一日病, 為佐引起家姐注意, 我地話比佢夾公仔, 今日個人清醒返, 就叫我地再去過 爸爸換佐500台幣黎夾, 夾到4件野帶走, 總算有啲收穫 好啦, 又係時候休息, 繼續明日行程 - BABY BOSS 網頁 https://www.babyboss.tw/ 想睇更多 2A o既相, 可以LIKE  黃家 2A 的快樂日誌 FB 頁 Facebook: https://www.facebook.com/wongaretha 歡迎邀稿試用 E-mail: 2Amamawendy@gmail.com   有關BLOG, 可到以下連結 MyBB Blog: http://www.mybb.com.hk/home.php?mod=space&uid=9473&do=blog&view=me Mamibuy: https://mamibuy.com.hk/home/448/article  生活易WOW: http://wow.esdlife.com/space.php?uid=62614&do=blog&view=me Blogger: http://2amama.blogspot.com/