黎到2016年最後一日了, 今年特別一點, 帶著2個小魔怪外遊, 好多人話羅苦黎辛, 但他們不明白媽媽們的想法, 因為他們快樂, 我更快樂, 係有點攰, 但我ENJOY!! 第三日行程, 去老麥食早餐 再途經老天祿, 買2隻蛋比2位老細試下, 味道我覺得咸佐啲 跟住就出發去台北巿動物園啦! 真係唔該晒, 2位老細去到都係瞓緊 很喜歡台灣, 好多野都係6歲以下唔需要收費, 動物園啦, 搭車啦, 唔似香港每樣都計年詅, 計高度, 有時高大真係無咩著數 呢張打咭相都係離開時影呀! 動物園真係好好好好大 有好多唔同種類動物睇, 可惜家姐唔太好, 細佬又未太識 亞洲的, 有熊貓, 凍的地方, 有企鵝 呢個旅程, 我地比佐相機家姐帶去, 叫佢有啲咩想記低就影落黎 懶洋洋的熊貓 呢張相好鍾意, 如果你地唔爭野玩, 有時相處得都好好O既 我地差唔多12點先去到動物園, 係裡面食個LATE LUNCH, 但食野坐的地方實係太曬了, 食完一餐成個人出晒汗 熊貓, 長頸鹿   企鵝館 行到3點幾, 我地要準備回程下一個節目, 實在太攰, 我地坐返車去樂園門口附近, 家姐駛唔駛笑得咁開心, 雖然一入園見到你就話想坐 下一個點又係家姐岩玩過細佬, 親子餐廳 - Money Jump 因為我地BOOK 唔到大樹站, 轉佐去呢一間 呢間餐廳唔近捷運站, 我地搭的士過去, 都好快, 又唔太貴   呢間餐廳特點係有旋轉木馬, 躲貓貓隧道, 其次係 0-2歲BABY遊戲區, 動力沙桌區, 親子閱讀區 一入到去同家姐約法三章後, 就比佢開始玩   細佬終於有地方岩玩了 這裡的波波池唔夠大樹的大, 滑梯都無 相對起大樹的食物, 我覺得呢到可以接受同唔太差 因為按人頭收費, 所以我地叫佐2個兒童, 2個大人餐 兒童餐份量比細佬食係差唔多, 但家姐............. 早知我叫少一個餐, 等家姐係我到食啲算 我地去到台灣都仲要約香港朋友仔一齊食飯一齊玩 大人餐的主菜 是日SPECIAL 德國豬手 小朋友期待的木馬, 要食完飯先限時開動, 家姐自己一個都玩佐幾次 食完飯去附近的超市逛個圈, 搭的士返西門了 因為係2016年最後一日, 同佢地沖完涼, 我地落樓感染下氣氛, 有人放煙火, 我都企係到睇佐一陣 買佐份比佢2個玩下 細侤好似話, 你地咁夜係到攪咩 2017年快樂呀! 玩完煙火後無咩好睇, 玩埋兒童機動遊戲就返歸瞓了   台北巿立動物園 http://www.zoo.gov.taipei/ Money Jump網頁: https://moneyjump.com.tw/ ------- 想睇更多 2A o既相, 可以LIKE  黃家 2A 的快樂日誌 FB 頁 Facebook: https://www.facebook.com/wongaretha 歡迎邀稿試用 E-mail: 2Amamawendy@gmail.com   有關BLOG, 可到以下連結 MyBB Blog: http://www.mybb.com.hk/home.php?mod=space&uid=9473&do=blog&view=me Mamibuy: https://mamibuy.com.hk/home/448/article  生活易WOW: http://wow.esdlife.com/space.php?uid=62614&do=blog&view=me Blogger: http://2amama.blogspot.com/