今日係呢個旅程最長征同辛苦的一日, 今日景點係平溪的十分, 一早做好晒功課, 走去搭台鐵過去 食過早餐後, 坐捷運到台北車站, 買好台鐵票去十分, 我地就開始呢個長征旅程 係台北站坐大約40分鐘火車去到瑞芳站, 跟住再要轉車去十分 當日好多人, 去到瑞芳轉車站, 係站頭車已經DELAY 佐半個鐘有多, 問過車長會經十分, 有理無理跳佐上車先 再坐大約半個鐘時間先到十分 坐咁耐車去到行一條街, 真係咩都影一餐呀! 放天燈, 係十分的特色, 每當有火車經過, 原本企滿人密密的路軌, 即刻要清場, 場面睇到其實好攪笑呀! 原本因為之前睇到天燈導至的火災, 話唔想放, 但山長水遠去到, 又唔知會唔會有第二次, 所以我地都係放佐, 希望唔會影響人家的家園同時心想事成  天燈唔同顏色的喻意都唔同, 我地揀佐4色, 紅黃藍粉紅, 紅色係健康平安, 黃色係金錢運, 藍色係事業工作運, 而粉紅色係幸福快樂 我地根據每邊唔同的喻意, 寫上不同的心願 我希望黎緊快快搵到好工, 家姐入到心儀小學, 個個健康快樂 放完天燈食小籠包同肉燥飯, 再逛下條街, 準備回程   原本諗住坐點4幾火車返去, 結果班車遲佐一個小時有多先到, 積聚係月台已經好好好好多人了, 總算迫上了車, 但站與站間都有停低, 跟住再要返到瑞芳站轉去台北的車, 由有太陽企到天黑先離開到十分 回程車, 用佐我地差不多4小時, 爸爸大叫救命, 因為佢企足咁耐, 而非常友善的台灣人, 見到我揹住細佬都讓位比我坐, 家姐係回程時, 更被熱情的姨姨拉去話幫我抱住佢坐, 呢個時候, 細佬以為家姐比人搶出, 即時大叫要返家姐 本想係台北站吃了便算, 但咩都搵唔到黎食, 返到西門町, 去了一個有狗仔做生招牌的餐廳, 2個老細衝埋去話要摸 開心時間過得好快, 買埋少少手信, 就要準備執行李走人了 建議如果去十分就包士, 可以同時去埋九分 -  想睇更多 2A o既相, 可以LIKE  黃家 2A 的快樂日誌 FB 頁 Facebook: https://www.facebook.com/wongaretha 歡迎邀稿試用 E-mail: 2Amamawendy@gmail.com   有關BLOG, 可到以下連結 MyBB Blog: http://www.mybb.com.hk/home.php?mod=space&uid=9473&do=blog&view=me Mamibuy: https://mamibuy.com.hk/home/448/article  生活易WOW: http://wow.esdlife.com/space.php?uid=62614&do=blog&view=me Blogger: http://2amama.blogspot.com/