仲記唔記得第一條白髮係幾時生出嚟嘅呢？咩話？你仲未有白髮？唔駛擔心！總會有呢一日嘅來臨。我記得生完第一胎之後開始有白髮現像，生埋第二胎情況仲犀利咗。想白髮變黑髮？最直接嘅方法就係染髮喇！我哋之前咪介紹過日本100%純天然利尻昆布配合植物防水染髮筆嘅！大家仲記唔記得呢？今次會試埋佢嘅染髮焗油膏，睇下係咪一樣咁出色先得！ 拆開包裝，除咗焗油膏之外，仲有專用染髮帽同埋膠手套~ 好喇！睇番我嘅白髮情況先~ 以前頭頂位係冇白髮㗎！近半年開始生出嚟！呢個位置好顯眼，唔染真係唔得喇！ 白髮對於某啲人嚟講可能係智慧嘅像徵，但對於我嚟講，只代表「我老了」...@@''' 揭開側面都有一啲喱埋咗嘅白髮，而且情況仲嚴重~ 使用方法好簡單，洗完頭吹乾頭髮，然後擠出適量嘅焗油膏在手上，再均勻咁塗抹於髮根和頭髮內側~ 如果只係想染白髮，可以好似我咁唔成頭染，只局部染 (白髮較多的位置) OMG~ 貪快同懶嘅後果係會整到隻手污糟晒，焗油膏嘅染色能力都好強喎！洗咗好耐先洗得甩啲顏色。呢個係錯誤嘅示範，大家唔好學呀！XD OK！戴番手套後繼續染髮，覺得染到差不多就可以停喇！ 完成塗抹後，戴上染髮帽，然後等候約45-60分鐘~ 唔知點解覺得自己有啲似賓賓....「mom~ 今晚買咩餸？」XD 如果用風筒熱吹5-15分鐘可以提高焗油嘅滲透力，染髮同護髮效果會仲好。焗完一個鐘，脫去染髮帽，用水沖洗頭髮至沖出來啲水冇顏色為止。產品係以逐漸上色嚟完成染髮，建議如果第一次用，連續使用3天，顏色效果會更加理想~ 由於要連染3日，產品只提供一個染髮帽同一對膠手套，所以第2同3日就要自己預備喇！響吉之島$12店賣嘅沖涼帽一包有7個，幾抵用！ 跟住發現屋企有3M膠手套，慳番！唔駛買喇！ 頭頂連續3日染髮後嘅效果：第1日染完仲會見到白髮。第2日都仲有少少但唔覺眼。第3日已經冇晒白髮喇！(可按圖放大) 側面連續3日染髮後嘅效果：第1日染完仲有好多白髮(可能手勢唔好)。第2日落重手啲焗油膏，少咗好多。第3日染完都仲有極少量白髮，我都知呢個重災區係難搞啲，不過位置響底層，所以可以接受呀！(可按圖放大) 有白髮嘅時候，一紥起頭髮就會露晒啲白髮出嚟！所以就算天氣好熱都唔敢紥辮。染完髮之後，自信心又番番晒嚟！點紥都唔驚啦！^^V 遲一排生番啲白髮出嚟嘅時候，得少少又唔想染住，可以用SALON de PRO出嘅白髮補染棒，簡直係懶人染法好幫手~ XD 設計就好似mascara咁，不過係搽響頭髮度~ 用法仲簡單，將產品輕輕搖勻。響新生白髮部份塗上適量染劑，然後等佢乾就得喇！唔駛過水沖洗，不過洗髮後顏色可能會變淡，連續使用數天可令白髮逐漸染色。將白髮變為黑髮就係咁簡單，得咗！ 去salon染髮手勢當然會好啲，顏色又會均勻啲啦！但下下要坐兩三個鐘，我真係冇咩耐性呀！用利尻昆布染髮焗油膏後，感覺比起一般染髮劑性質溫和啲，冇咁傷頭髮。可能因為佢純天然關係啦！而且係焗油配方，染起上嚟都冇咁大殺傷力。最鍾意佢冇染髮味，以前每次染完髮實會畀晴朗爸爸話我好大味，好臭.... 但今次冇臭味之餘，仲有淡淡清香味。晴朗爸爸再冇投訴啦！不過我冇跟產品指示洗完頭吹乾先用，跟自己慣常做法，染完先去洗髮護髮。效果唔錯呀！一支啱啱用到3次，又ok抵用喎！至於SALON de PRO白髮補染棒就啱晒我呢啲唔想染得咁密，但又唔想露白髮嘅懶人用喇！佢可以立即遮蓋新生白髮，而且仲防水防汗添！兩款都係made in Japan產品，質量一定有保證。遇上白髮煩惱嘅朋友們，快啲去log-on買番盒啦！值得推介呀！ 日本100%純天然利尻昆布染髮焗油膏：log-on售價 $148SALON de PRO白髮補染棒：log-on售價 $68 你可能會有興趣睇番我哋上次介紹嘅日本100%純天然利尻昆布配合植物防水染髮筆：http://blog.xuite.net/chinglongtin/blog/400199809 晴朗天 - 食·玩·育·美·愛の親子平台 facebook專頁：https://www.facebook.com/happytrain123 blog：http://blog.xuite.net/chinglongtin/blog