小JM就快十一個月， 好快就會到小JM既一歲生日，我同爸爸都好期待。   眼見小JM由BB漸漸慢慢成長， 其實有時都會幾唔捨得， 以前就任我地舞， 而家就我地任佢舞咁。。。無時停   小JM加固左都有四個幾月啦， 真係唔講唔知，原來為小朋友預備加固既用品都可以係一門學問， 又要實用，又要好用， 最緊要係「易用易洗」； 而小朋友餐具／用具更不在話下，真係會越買越多。。。 除左小B們食野用既碗呀，湯匙呀，杯杯碟碟之外， 你仲有無買以下既野來為小B預備加固呢？   不如，又睇下我為左幫小JM加固買左啲咩既用具同輔助器。。。   1.) 「花兒」多功能燉煲          之前係加固進階篇已經介紹過呢個燉煲，（所以今次唔多講啦！）     最主要係有幾個原因：      －    有煮BB粥既功能，除左係燉盅，仲可以蒸煮、保溫，一物幾用     －    最重要係價錢合理   ＊＊舊Blog回顧：C。J の 爸媽手記。為食小JM。加固進階篇。Finger Food＊＊      2.）Blender 食物攪拌器     小JM而家用緊既Blender係朋友送既，但真心好用，最重要真係易用又易洗，岩晒我呢個懶懶媽！     原來 B-Kitchen Blender 係源於奧地利既廚具品牌來架，2015年先正式係香港有得出售。             咪睇佢細細盒咁以為好少野，其實呢個Blender集乾濕攪拌及水樽功能於一身架。          呢個設計真係好方便，只要扭返個樽蓋就可帶出街飲，真係想幾時整新鮮果汁俾小B都無難度！       點樣乾濕攪拌？     其實係因為內付左兩個唔同既器皿，一個係可以用來攪伴、榨汁兼具水樽功能，     而另一個細啲既就可以用來攪碎乾果、果仁之類。          最重要、最特別既一樣野係： 原來部機係無開關掣架！！！     （咁你實會問我： 無掣點用呀？  ）       部機既開關設計好特別，只要你將個器皿放好係新機上，再向左擰一擰就得架啦！     想停？好易，向右再擰一擰就得！得左！       真係簡單到單手都用得，岩晒我呢個懶媽！          3.）Kidsme 咬咬樂     Kidsme咬咬樂可以有效咁提高小B們對進食既興趣，仲可以俾小B嘗試到更多不同既食物；      媽媽們仲可以完全好放心咁俾小JM自行拎住進食，而唔需要擔心小B會因此而哽親。     可以話係媽媽們同小B們加固既恩物之一                    4.）食物餐墊     食物餐墊可以話係加固既另一個「必須品」！     因為一張有吸附功能既食物餐墊係可以有效地防止小B們將食物或碗碟打翻。          而我為小JM所添置既食物餐墊有兩款：ezpz Mini Mat 同 T.T. 既食物餐墊                ezpz Mini Mat 係結合左食物餐墊及餐盤既設計，方便左媽媽們清洗用具，節省時間。     除左咁，ezpz Mini Mat 仲有以下既優點添架：      －    由矽膠材質製造，不易損毀，所以不易滋生黴菌     －    適用於微波爐加熱，耐熱度達240度高溫     －    可吸附係任何平滑既表面，而不易被小B拎走或推翻       所以我都好放心俾小JM自行慢慢進食佢既茶點，     而媽媽我就可以安坐一旁同時嘆茶        5.）食物剪     食物剪，方便幫小B們剪細食物，以便進食。     係屋企有兩把食物剪，一把係Kidsme，另一把係Gino。            Kidsme 食物剪合三種功能於一身，     可以剪、夾同弄磨食物，     帶出街使用都一樣咁方便。   6.）食物儲存盒（冰粒盒）          或者你會問：小JM媽媽，你攪咩拎個冰兜來玩呀？       我真係唔係玩，真係好認真架！     唔知你地有無發覺，每次整野食俾小B要預備既野就好多，     但係小B又唔係一次過食得晒喎，又唔知點處理好？       其實只要用冰粒盒就可以幫到你儲存小B既食物。     只要將預備左既食物／攪伴好既食物分開放入冰粒盒，     到聽日再要煮個陣就只需要按份量／ 需要取出「食物粒」就得，     省卻左好多繁複既工序就自然多左時間陪小B啦！     7.）外出餵食匙     相信之前有留意開我個Blog既媽媽都知道 「外出餵食匙」係咩，     真係可以話係餵食神器之一，     有左呢樣餵食器具就算小B們外出進食都好方便，     又唔怕小B們左扭右扭咁攪到倒瀉晒啲野食啦！              8.）旅行用食物袋連湯匙     旅行食物袋的確係方便左, 只要預先將食物放入袋中，到進食時幾樽蓋打開換成湯匙就可以使用。     真係夠晒簡單快捷。            如果你問我： 食物湯匙好用啲定旅行食物袋好用啲？     我會答你：各有各好          因為食物湯匙可以重用會比較化算，但必須每次清洗乾淨！     旅行食物袋都好用，因為可以盛載多啲食物，但因為係一次性既關係成本比較貴。       但兩者都係旅行既必備佳品！     預告：  原先想要係「全家生日月」同小JM出遊澳門三日兩夜， 但因為爸爸工作太忙既關係可能未必成行了， 唯有將生日旅行改係三月係啦，今次仲會有契媽媽同行添！ （唔知澳門遊有無可能改為兩日短Trip，而爸爸有假呢？）   鐵定三月份再次出走，「帶著小B去旅行の福岡遊」！ 實行食到盡，玩到盡，爽到爆！ 最重要係有得嘆下溫泉！爽！   ＊＊行程預備中，稍後再抽時間同大家分享＊＊   ♫ ESDlife靚太Club 。 星級榮譽會員 ★sleepyceci  ♬ ♩BK Milk。親子語。駐站Blogger  ★傑。斯與晴  ♪ ♫ Mami Buy香港媽咪幫。駐站Blogger ★傑。斯與晴  ♬ ♩Ohpama。Oh爸媽。駐站Blogger  ★傑。斯與晴  ♪   歡迎追蹤 小JM 既Fanspage 「傑。斯與晴」：   如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）