早餐的完美選擇: 一個軟綿綿又健康的Cup Cake絕對係我的不二之選。 作為孖媽的我時時刻刻都要為孖寶食得有營來把關，所以對食物的健康我特別關注。呢款輕食的Cup Cake裡面充滿住有營的燕麥片，加上好多紅蘿蔔絲，蜂蜜同豆漿，食起上來口感很柔軟，而且濕潤，非常有層次。市面上一般燕麥蛋糕的食譜通常都係配香蕉的，孖媽今次就試下用香甜的紅蘿蔔代替，效果都一樣咁好呢!   就算有d小朋友真係唔like紅蘿蔔，只要你將紅蘿蔔加入蛋糕，個種好味都會令佢地無法抗拒呀!  俾小朋友做早餐or茶點絕對係一流!   最重要呢款蛋糕加入咗蜂蜜同紅蘿蔔，可以令Cup Cake更天然，而且有又香又甜的口感。蛋糕內有燕麥，包含食物纖維，再配上紅蘿蔔的營養，就算你每日食2件卡路里都係好底，連想控制體重同注重健康嘅朋友都岩食呀! 簡單方便就可以做出營養均衡又美味的健康早餐，大家不妨一試!     紅蘿蔔燕麥Cup Cake 材料: 乾質 低筋麵粉100g 杏仁粉30g 燕麥片50g 紅蘿蔔（刨成絲）50g 泡打粉1小匙 蘇打粉1/2小匙 鹽 小量       濕質 豆漿100g 檸檬汁20g 葡萄籽油40g 黑糖40g 蜂蜜2湯匙     做法: 1/ 首先將所有乾質的材料混合同埋均勻。(除了紅蘿蔔絲係最後的步驟先會加入）。   2/ 預備另一個容器混合所有的濕質的材料，輕力攪拌至所有材料完全結合，並確保黑糖充分溶解。   3/ 之後把乾質同濕質的材料混合在一起，輕力攪拌至糊狀即可。 提醒一下，不要過度/大力攪拌，因為咁好有可能會令蛋糕質感會得硬實。     4/ 加入紅蘿蔔絲再稍微拌勻即可。     5/ 注入麵糊至紙杯8分滿左右。放入焗爐先用160度焗10mins，之後降溫至150度，再焗15mins即可。     6/ 當cup cake搞掂之後，將蛋糕放在架上冷卻，即成！     我和孖寶的Facebook Page: 荔枝與孖寶  我和孖寶的 Instagram IG#: laichimama MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger   If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com