如果能力許可,一定要帶孩子去旅行,看世界! See the World, 給他們從小植根改變人生的勇氣 我們2016年年尾帶孖寶去台灣, 有d朋友聽到就話. 咁辛苦!? 比我就唔帶!? 有咩用呀!? 去完佢地都唔會記得!? 各式各樣的答案都有……總之就係唔贊同你帶BB去旅行啦. 如果你認為孩子是不留記憶, 那你就是大錯特錯了. 還好的係, 我們的家人都完全沒有這樣的反應! So Far聽到最多嘅係BBs都唔會記得去過啦。BB咁細個，玩過咩，睇過咩，去過邊都唔記得, 帶佢地去都係白去，浪費金錢同精力. 我聽到呢個說法, 我通常都會好有禮貌咁問: 我地大人食過D咩, 夠係會poo poo返哂出黎啦, 咁又日日都要食! 其實我意思係, 帶BBs去旅行, 唔會係白去囉, 亦唔會係無意思囉~ 過程之中佢地會有所得著, 佢地其實係知道, 亦會記得. 而父母得到嘅係一家人製造甜蜜回憶的機會! 只可以說我們在香港這個事事講求結果的地方生活得太久, 可能好多家長帶小孩都會同平常自己返工做事一樣, 每每想著到底這事有沒有用!? 好似彈琴就係有用，玩沙就係無用，捉迷藏係無用，返補習班就係有用的，玩國際象棋係有用，但玩積木就係無用. 可能有人認為旅行，只係去玩，唔會幫你考到咩學分，唔會得到咩證書，亦唔會幫你得到咩個人專長，就會將旅行當係無用。 唔知係唔係因為我同孖爸都好喜歡去旅行, 看世界. 所以我地都認為帶小人去旅行係好好同必需的, 雖然真係好辛苦, 何況我們2打2. 但係過程真係好快樂. 第一次坐飛機, 哥哥還在交朋友呢! 其實小朋友成長過程, 佢嘅知識，美術，體操呢d skill係硬件. 但係性格、操守、眼界呢d就係一個人嘅是軟件。好似電腦咁硬件同軟件, 其實都一樣係咁重要。去旅行就正正可以開闊我們的眼界, 認識更多書本上你得不到, 活生生係你眼前呈現嘅野! 孖寶很認真的在看台灣當地的taxi, 街道呢! 亦有聽到人話帶BBs去旅行危險。無可否認小朋友腸胃係比較敏感, 會有小土不服的可能性, 不過唔通咁就侷限住佢地的活動咩? 小朋友可能真係有機會食唔慣當地的食物同生病; 不過我認為做好準備就可以了. 好似我們出發前會先去家庭醫生度買定d平安藥傍身. 仲會預先沖一支比較大的開水帶去, 頭個2日mix d當地的水同我地自己帶過去的水比佢地慢慢習慣下. 孩子第一次吃一爐兩食, 烤內跟火鍋, 見識見識! 好好味! 謝謝孩子陪爸媽到喜歡的春水堂食野, 似乎兩個小人都好滿意咁喎! 仲有好多人都會話去旅行有風險，可能有意外，食唔慣，帶住BBs交通上安排好煩. 不過去旅行唔係另一個可以令孩子更堅強，學會自己處理困難的機會咩? 由我自己喜歡去旅行開始，我一直都覺得去旅行係一個無法取代的成長課程。 無論當時年少的我, 還是以家已為人母亦一樣, 旅行真係一樣令你會得著好多的活動. 細佬仔還在當地交朋友呢! 我相信有帶過BBs去旅去的家長，都應該唔難發係短短的時間內，你的小孩就會有所變化. 最最最重要, 對我來說旅行係我們一家人凝聚在一起嘅好時光。 成日陪Daddy Mummy hea, coffee time 休息. 我唔係Full time mom, 每天放工之後可以分到比孖寶的時間就只有短短的2小時左右, 但同佢地一齊去旅行, 我們可以24x7都在一起. 雖然真係好累, 好累. 但可以整天跟孩子在一起, 一直一直都是我的心願! 我們去旅行的5天, 可以話係我跟孖寶過得很最快樂的時光! 因為可以由早都晚都在一起呢~ 謝謝孩子陪媽媽去每次來台, 必去的小店shopping! 這可是孩子幫孖媽揀的衣服. 說實在我以前唔知道自己點解咁鐘意去旅行, 到以家為人母之後, 我先明白我原來係一直怕自己會變得眼光《狹隘》, 所以先咁鍾意出遊去睇世界的不同. 可以帶孖寶遊走我們在台灣喜歡的地方, 實在是我們的福氣 狹隘可以好可怕, 你想像一下如果一個國家狹隘的後果會如何!? 例子唔洗講, 上唔到youtube, 睇唔到facebook. 佢只係比你睇佢想安排你知道嘅野. 諗下你就會明白幾可怕. 如果套用係一個人身上, 狹隘會令一個人變得狂妄自大, 不過其他人看來其實係無知, 會給別人看笑話. 如果每個人都只係有狹隘嘅價值觀, 相信天下真係會大亂! 所以旅行給小孩建立多元價值觀係必需的. 當然去旅行最直接的係, 可以令我地睇到真實的世界啦. 見識到唔同地域、唔同信仰、唔同文化、唔同風俗當地人的真實生活。孩子可以親眼所見，親耳所聞，睇住對方眼神, 同對方交流，呢d都係係屋企體會唔到嘅野. 孖寶聽到我同當地人用國語溝通, 佢地2個都特別留心咁睇住. Local Market/Farmer Market係我地去世界任何一個地方都最喜歡溜的地點, 夠地道. 再者旅行, 你會睇到大自然的壯麗令人明白生命無窮無盡嘅可能. 人生, 不過短短的幾十. 出外旅行, 可以話係知曉生命其中一個好途徑. 每一個人，都有自己嘅可愛同不足之處, 去旅行你可以感受到大自然的偉大, 明白生命的渺小; 自然會重新思考自已的人生. 旅途的事物同與內心結合起來, 可以充盈我們的精神，令我們體驗生命. 行夜市, 2打2帶住2個小Bs,無high chair食呢d, 真係唔簡單! 好似講到好深, 好遠咁. 簡單d來講旅行，唔在乎目的地。只要放底平日忙碌、同家人一齊享受假期嘅快樂、咁就係最重要啦。 讀萬卷書, 行萬里路 兩者都係咁重要, 結合在一起, 自己就會發生真正的作用. 希望大家也有愉快的旅途! 我和孖寶的Facebook Page: 荔枝與孖寶 我和孖寶的 Instagram IG#: laichimama MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger If there is any question or you looking for me and the boys, please feel free to contact LaiChiMaMa via Email: cherrywcchan@gmail.com
