今日去咗石硤尾公園經過附近的體育館   就入去望一望，原來有個兒童遊戲室   當然要俾佢哋放吓電啦！     體育館外觀好新淨！內裡環境都好正 仲有個Chocolate Rain的主題Canteen 同埋特點係超少人           入到去轉左就會見到一條好直好長的通道 右手邊就即刻見到個遊戲室         每一個康文署兒童遊戲室的開放時間同使用守則都唔同 大家一定要先Check清楚或者留意我個Blog先好去     裡面唔算大，但係都足夠小朋友跑嚟跑去！ 呢度冇似天暉路及調景嶺體育館有一個特式設施 只係有好多唔同形狀既Cushion 呢度都有個主題嘅，應該係熱帶雨林卦           但係呢度唔係太乾淨我覺得有d污糟 每個段落之間唔覺佢有人入去清潔 我估係呢度真係太少人嚟所以職員懶得就懶           最為特別已經係呢個大象瀡滑梯 但係超污糟！所以我都盡量唔俾佢哋玩       芊芊最鍾意蛙蛙所以同蛙蛙影咗好多張相           哥哥就成日拎住呢幾個"X""O"既豆袋Cushion當係貨物咁運送                           Photo by CANON 5D Mark III, Len | EF 24-70mm f/2.8L IS II USM   呀劍評分: 4分   呀劍評語: 外面睇落去都幾新淨嘅體育館，但係裡面嘅兒童遊戲室就真係一般般，因為太少人去嘅關係，冇定時嘅清潔進行消毒等，而且裡面設施頗殘舊！我哋問負責人及職員，佢哋話嚟緊會裝修喎......袋住先啦！       石硤尾體育館 兒童遊戲室 簡介 石硤尾公園體育館位於深水南昌街290號(毗鄰白田)，於1997年5月1日啟用。體育館提供多元化的康樂設施，歡迎個人及團體於開放時間內租用。此外，體育館每月均舉辦不同類型的康樂體育活動，歡迎市民報名參加。   地址 九龍深水埗南昌街290號   開放時間 ​早上9時至10時 早上10時至10時50分 早上11時至中午12時 中午12時至下午12時50分 下午1時至2時 下午3時至4時 下午4時至4時50分 下午5時至晚上6時 晚上6時至6時50分 晚上7時至8時​ 費用 免費入場 電話 2784 7424   (以上資料更新至文章當日)     Facebook專頁: 呀劍萬帥 kimfamilytravel   Blog網誌 : kimfamilytravel.blogspot.hk