今日同Hysan到屯門眼科中心檢查眼晴   之後見仲有D時間去咗屯門圖書館同屯門公園玩咗陣   跟住番學之前喺呢度搵個地方食晏，就揀咗之前一直想試嘅「羅麥記」     都係同其他餐廳差唔多，玩懷舊裝修集體回憶！   V City呢間分店都幾大坐得幾舒服！   我哋差唔多11:15入到嚟坐，待應安排我哋坐咗卡位   卡位好闊落，應該係六人位用！     餐具冇特別，起初以為佢碗碗碟碟都玩懷舊   不過佢張餐紙就用咗康樂棋棋紙嘅圖案   如果有棋喺手真係可以玩得㗎！   當然佢好唔會放過宣傳自己菜式嘅機會   喺紙上面嘅賞罰句子都用咗自己菜名，不過有少少格硬嚟   (就咁一個餸名跟住叫你向前行幾多格....都唔關事)   Sorry我個人比較執著^.^         好大個晾衫夾夾住張單...   因為得我同Hysan兩個人所以唔會叫到好多嘢食   當然我嗌咗呢度嘅成名作啦，差唔多個個嚟呢度食都會打咭同Post呢碟磚頭焗豬扒飯   我都唔例外，再叫多碟菜心同餐飲熱朱古力     杯熱朱OK喎！嚟到嘅時侯面頭有D朱古力粉未溶哂落底   睇落去會比較特別，唔會好似一杯華田咁悶   飲落去第一啖真係好好飲，好重朱古力味，帶少少朱古力嘅苦味       跟住等咗大約10分鐘度就嚟咗個磚頭啦！       老實講先讚後彈，豬扒真係林唔多骨好啱小朋友食   個麵包都好有Gimmick，佢仲㨂咗個牌喺度教人點食   如果大家鍾意麵包點咖喱汁或白汁可以另外叫侍應拎碗俾你       我就嗌咗少少咖喱汁嚟點吓，不過我覺得太大碗囉...   麵包就冇咩特別架喇，都係並通麵包舖買到嘅方包，不過焗過之後個麵包皮都脆脆哋   麵包裡面都有炒飯，我覺得其實都夠兩個人食！   不過真係太鹹，同埋整體上食卓頭多過味道，所以$80幾蚊都係試一次就算   當帶咗Hysan嚟博物館認識吓老爸細個時侯嘅嘢啦...哈哈哈       Photo by CANON 5D Mark III, Len | EF 24-70mm f/2.8L USM   呀劍評分: 6分   呀劍評語: 呢個地方知道咗好耐始終未有機會嚟食，今日終於可以一試就試佢招牌嘅麵包焗豬扒飯，其他我唔知，但呢個飯真係並通到震，仲同我個人一樣好鹹.....呀！     地址 屯門屯門鄉事會路83號V City 1樓11號舖   營業時間 08:00 - 22:30   交通 屯門港鐵站C出口行到adidas扶手電梯落一層左轉便到 招牌菜 羅麥辣雞翼、羅麥汁牛河、避風塘炒麵、紅豆冰粒粒奶茶、豬羅包、磚頭焗豬扒飯等   電話 2618 3703 (以上資料更新至文章當日)     Facebook專頁: 呀劍萬帥 kimfamilytravel   Blog網誌 : kimfamilytravel.blogspot.hk