《雙色水餃》 過年時份，好多有小朋友的家庭都要四出拜年，加上工人姐姐放假而好餐廳又唔開，在家的時候，最好能做些簡單又健康嘅美食。 今次介紹一款可以令小朋友全情投入、精心炮製的親子簡食。去片！ 甘筍皮材料（約40塊）： 甘筍 50克 水 200毫升 麵粉 300克 鹽 ¼茶匙 做法： 1）甘筍去皮，切件，放入攪拌機內，注入水攪拌，瀝出甘筍汁備用。 2）麵粉放碗內，加鹽混合，注入甘筍汁拌勻成糰，蓋上保鮮紙靜置15分鐘。 3）枱面灑上麵粉，取出麵糰，用木棍擀平，用圓形模具吸出圓形，即成甘筍水餃皮。 菠菜水餃皮材料（約40塊）： 菠菜葉 15克 水 200毫升 麵粉 300克 鹽 ¼茶匙 做法： 1）菠菜葉放入攪拌機內，注入水攪拌，瀝出菠菜汁備用。 2）麵粉放碗內，加鹽混合，注入菠菜汁拌勻成糰，蓋上保鮮紙靜置15分鐘。 3）枱面灑上麵粉，取出麵糰，用木棍擀平，用圓形模具吸出圓形，即成菠菜水餃皮。 餡料： 豬肉碎 150克 鮮冬菇 1隻（去蒂，切粒） 西芹 10克（切粒） 粟米粒 1湯匙 鹽 少許 糖 少許 水 適量 做法： 1）所有材料放碗內混合。 2）取一塊甘筍水餃皮/菠菜水餃皮，放上適量的餡料，於餃子皮外圈沾上少許水，包成餃子狀。 3）煲內注入適量水煮滾，下餃子煮約5分鐘至浮起，完成。