嘩! 仲有幾日就新年啦, 好彩上星期趕得切搵人改好個圖拎去比人印利是封, 其實上年新年都想整, 不過我又係太遲先整好多都CUT左單. 今年好彩早左幾日趕到, 個圖係好早期搵人畫黎整過個 cushion, 今年比較特別...加左細佬個樣上去, 新一年迎接細佬既來臨, 黎緊我地就一家四口啦!   家姐成日對住我個肚叫BB...BB 又鍚個肚 唔知佢係唔係真係知有個BB係個肚裡面呢? 細佬感唔感受到家姐對你既愛呀?   我地仲有1個月多少少左右就見面啦, 希望你好似家姐咁鍚住我...產程快唔會要我太辛苦.   我地都愛你呀!