呢間Sister Korea Café聽就聽左好耐, 安排到時間去呢就真係第一次!     一入就見到阿宋生的紙板公仔, 如果係一眾宋太應該會已經開始hyper!     四周的環境都ok.     明顯係有花心思的裝飾的.       手畫嘅Menu幾可愛同大家share下,大家自己可以比較一下下~       至於食物, 先講飲品啦, 已經算係我地最欣賞的野啦.     本身想叫韓國菠蘿冰，不過我地又唔係特別喜歡菠蘿味，所以就order了呢杯忌廉插柚子沙冰，都幾好味，好夠凍，仲有d忌廉唔停咁流入杯度。     連Caydan Ramsey見到杯野飲, 都有d興趣呀!     Poster中這位應該是店內的韓籍waitress, 很友善的.   我地仲order左個部隊辛辣拉麵蛋邊鍋 (牛) , 問左店員話係最小兩人份量! 只可以話唔好要求咁高, 如果你平時係一個人食半個即食麵咁都會適合你.     至於, 我地當然係每次食哂一整個即食麵的啦~ 而呢個部隊鍋的料當然係比我地之前係屋企自己整的食材小上好多好多啦.     之但係出街食你預左係咁既啦~部隊鍋入面有蛋醬、雞蛋, 仲有極小量嘅年糕、粟米粒、腸仔、菜、芝士、公仔麵及牛肉咁啦!     孖寶無份. 兩個自己有野食啦~     Hum……….個汁真係幾夠辣, 但味道絕對稱唔上好味, 就只係有濃濃的辣味同辣味.   當然絕對同你係韓國食的local部隊鍋係天同地比啦, 所以最好就係唔好比.     估唔到係一個舊式既商場都有，有一間裝潢新穎既韓式食店，而價格都算親民，而店員服務都唔錯，食物就一般般啦. 如果大家住得近近地都可以去試下。至於我地呢, 相信都應該未必會再去啦! 真係一次夠皮啦~     Sister Korea Cafe 地址 : 大圍翠田街2號新翠商場地下17,18 &18A號舖   我和孖寶的Facebook Page: 荔枝與孖寶  我和孖寶的 Instagram IG#: laichimama   MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger   If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com