孖媽我唔否認自己系一對囝奴，以家做咩都係為咗孖寶。 由於兩兄弟近來大愛藍莓，所以孖媽今次就想用藍莓做出健康d嘅輕食比佢地試下。     通常的食譜都係用藍莓來做芝士蛋糕，但係我又唔想做凍餅，因為做凍餅要用來預備嘅時間實在太多了。 我地做媽咪嘅好多時都係時間唔夠用。而且亦唔想佢地食咁多凍野~始終都係希望做一些有營，健康嘅食物比佢地!     所以就諗到改做Pound Cake，但市面上一般的Pound Cake都係用上香蕉同牛油，不過因為要迎合孖寶最近喜歡藍莓的口味，所以今次孖寶就要改成用藍莓啦。 同時減小牛油份量，改用一d Cream Cheese。 當然要加入有豐富食物纖維的燕麥來做蛋糕比BBs食啦！ 就係咁所以出現咗今次呢個藍莓燕麥磅蛋糕啦!     藍莓燕麥磅蛋糕 材料: 長方形模具 x 1 低筋麵粉 100g 桂格燕麥片30g 鹽  ½ 小匙 泡打粉½ 小匙 Vanilla香油 1 小匙 無鹽牛油 100g  (室溫) Cream Cheese 85g (室溫) 細砂糖150g (原食譜是300g) 雞蛋3隻(室溫) 新鮮藍莓 1盒 約150g 檸檬皮 小量         預備 :  - 預熱焗爐180度, 30mins - 所有粉質先過篩2次 - 新鮮藍莓洗乾淨後, 隔乾水份 - 模具先上油/放牛油紙(自己比例喜歡用牛油紙)         做法: 1/ 首先將無鹽牛油、Cream Cheese、雲喱拿香油用打蛋器打至忌廉狀。     2/  分 3 次加入砂糖，每次都要先把砂糖打勻，再加入下一份砂糖。當所有砂糖都打勻之後牛油就慢慢會比較’’結’’同變白色，之後 再打發多２分鐘増加空氣。(我唔係用白砂糖，所以顏色無轉白色)       3/ 打散3隻雞蛋成蛋液，分 3 次加入液打勻, 開始時用低速攪拌。       4/ 加入所有已過篩的粉質，輕輕力攪拌至所有材料完全結合。 注意最好分 3 次慢慢加入已過篩的粉類同鹽，要輕手同慢慢攪。       5/ 最後加入新鮮藍莓同檸檬皮，用刮刀拌勻新鮮藍莓入麵糊內。輕手拌勻!       6/ 麵糊注入長方形模具至8分滿左右，用刮刀刮平表面。把模具摔幾下，整走多餘嘅空氣。 7/ 放入已預熱焗爐先用180度焗10mins取出，之後 用刀在中間cut一下。再放返入焗爐內焗 35 mins。     8/ 焗了35 mins後可用竹籤吉入去中間試下係唔係全熟，無沾到麵糊就代表ok。如果有沾到麵糊可再焗多5mins。     9/ 搞掂之後，從模具中取出蛋糕冷卻，即成！     我和孖寶的Facebook Page: 荔枝與孖寶  我和孖寶的 Instagram IG#: laichimama MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger   If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com