今日我哋又近近哋去參觀吓鮮為人知嘅博物館   李鄭屋漢墓博物館 －真係聽都未聽過！   但係原來佢就喺你成日去嘅深水埗     我哋喺屋企食過早餐，跟住就搭11號巴士出發，即係就咁行！   因為今日要去嘅地方係深水埗嘅李鄭屋漢墓博物館   我哋經過大埔道嘉頓隔離有個小小小小公園   突然發現樹上嘅花好靚，即興同哥哥影咗張相都幾靚     行咗15分鐘度穿過樂年花園就嚟到李鄭屋漢墓博物館啦   但係離遠就見到古墓好似維修緊         館內唔大一眼睇哂，好多展板同埋有部份歷史文物展出       呢度有個漢墓嘅模型，原來個古墓係好細，起初以為係人可以行到入去   原來如果一個成人要行入去的話，可能都要鳴低身好辛苦先入到去     另一邊有個3D模擬遊戲，第一身角度入去古墓，仲可以360度轉嚟轉去   佢哋兩個爭住想玩！當然我要佢哋排隊先守規矩啦     裡面仲有一個小空間陳列住好多瓷器同陶器     本來個古墓已經被禁止進入，同埋外面做緊一D維修工程   但係我同職員講只係想在外面影張相，所以佢俾咗我入去睇   入口其實都已經俾透明膠板隔開   不過真係如介紹所講原來個墓穴唔係想像中咁大       喺古墓隔離係李鄭屋花園，我哋都順便行入去睇吓     入去園裡面可以見到古墓嘅另一面   成個都俾尼龍布蓋住，唔知幾時先維修好呢？！     行行吓見到呢棵大樹，佢嘅樹根好大好多仲好窄     穿過呢度圍牆去到花園嘅另一邊     本來有小橋流水，唔知又因為咩問題所以暫時乾塘               嚟到呢個涼亭坐，媽咪叫佢哋扮飲茶...佢哋兩個又即刻Get到             過去對面馬路又有一個李鄭屋遊樂場   佢哋梗係即刻跑入去玩啦       因為開始有少少毛毛雨   所以我哋只係玩咗一陣間就離開lu 下一站>>CLICK HERE! 【親子好去處】深水埗 SCAD 薩凡納藝術設計大學       Photo by CANON 5D Mark III, Len | EF 24-70mm f/2.8L USM   呀劍評分: 3分   呀劍評語: 我都好明白始終係歷史文物，一定要受到保護，不過保護到一個程度咩都睇唔到，咁又有咩意思，其實博物館係咪真係唔可以有新元素加入，吸引巿民去參觀呢？如果依然維持呢一種咁古舊嘅展覽方式，呢個文物永遠只會係得少數人知道同前嚟參觀     李鄭屋漢墓博物館 簡介 歷史建築級別：法定古蹟*  落成年份：25至220年（東漢時期） 別以為神秘的古墓只能在偏遠地區看到，這個擁有近2,000年歷史的墓穴便處於公共屋邨中。那是因為1955年政府興建李鄭屋邨時發現古墓，並發掘出58件文物。從墓磚銘文的字體、內容，以及出土文物等推斷，墓穴建於東漢時期（公元25至220年），所埋葬的相信是皇室貴冑。  在李鄭屋漢墓博物館，您除了可一睹墓室的「十字形」結構，以及墓磚上的花紋，也可觀賞從漢墓出土的陶器及青銅器，了解漢朝文化。    地址 九龍深水埗東京街41號 開放時間 星期一至三、五至日：上午10時至下午6時聖誕前夕及農曆新年除夕：上午10時至下午5時 休館日 星期四（公眾假期除外）、農曆年初一及二休館 免費參觀 交通 1. 從港鐵長沙灣站A3出口，沿東京街步行約5分鐘。  2. 於尖沙咀天星碼頭巴士總站乘2號巴士，在保安道下車後，轉往東京街步行約2分鐘。   電話 2386 2863   (以上資料更新至文章當日)     Facebook專頁: 呀劍萬帥 kimfamilytravel     Blog網誌 : kimfamilytravel.blogspot.hk