平時有客人上黎食飯，我都好鐘意整定雞翼招呼佢地！ 今次一於搞搞新意思，整個「黑麥酒雞翼」，等大家食住雞翼，飲杯酒，傾傾近況！   材料 雞翼 12隻 醃料 生抽 1湯匙 老抽 3湯匙 二砂糖 或 白糖 4湯匙 味醂 1湯匙 (可省略) 黑麥酒 (黑啤) 300ml 蒜 4小粒 做法 1. 將蒜切成蒜蓉 2. 將雞翼加薑片出水 3. 將雞翼用冷水洗淨，用廚房紙輕力印一印多餘水粉，並放入密實袋中 4. 加入醃料二砂糖 或 白糖 5. 加入醃料生抽及老抽 6. 加入醃料蒜蓉 7. 加入醃料味醂  (可省略) 8. 最後加入醃料黑麥酒後，鎖緊密實袋 9. (隔住袋) 慢慢用手為雞翼按摩，務求讓醃料均勻沾上每隻雞翼 10. 放入雪櫃雪一晚 11. 煮前放在室溫10分鐘左右 12. 將雞翼放在煎鍋上，加入一半汁料後，開中火 13. 汁料煮滾轉細火，蓋上蓋炆 8 - 10分鐘後即可食用 小心得 雞翼最少醃三小時，LULU 建議最好醃過夜 選用二砂糖，令汁料味道加添甘蔗甜味 今次選用左以下黑麥酒煮雞翼 ＝＝＝＝＝＝＝＝＝＝ 任何合作／試用／出席活動 歡迎聯絡LULU，Email：lululittlekitchen@gmail.com ＝＝＝＝＝＝＝＝＝＝ 想即時知道 LULU & 卡樂B 動態，請 Like LULU Little Kitchen 其他 LULU Channel 個人網站 Instagram 親子王國BK Milk作者 MamiBuy 駐站部落客 Cook1Cook食譜分享 Openrince 新晉食家