上篇講完申請旅行證件, 呢篇地就講下帶BB 去旅行時, book 機票同酒店要注意嘅事項。   由於航空公司太多, 每間做法可能有偏差, 所以我用今次同Boxing 仔坐CX 嘅例子同大家講解下book 機票嘅慳錢方法。   行程係4月17日出發去沖繩那霸, 21日回港, 兩個大人加一個一歲小童, 手抱, 經濟艙。       選擇完來回航班之後, 機票總額係$14,808。     但如果你將乘客改為兩個大人, 你會發現機票單價會比之前平左, 而家兩個大人機票總價係$12,254, 我比較過3 個旅行網站, 分別係Expedia, Hutchgo 同Zuji, 發現只有Expedia 有以上情況出現, 所以我最終選擇左Expedia。     咁BB 個張票點攪呢? 當你確認左大人嘅機票之後, 打電話去旅行社, 提供番D 資料就可以另外book 一張嬰兒機票, 由於不佔坐位, 只要大人有機位就一定book 到, 費用以我今次為例係$910 連稅, 合共$13,164, 比之前全部機票都係Expedia book 平左$1,644, 至於點解會係咁我都唔知, 但大家將來幫BB book 機票時可以試下。   攪掂機票之後就要book 酒店, BB 不佔床位基本上好似兩個人去旅行咁book 房就得, 冇額外費用。但出發前要問清楚酒店有咩BB 設備可以提供, 例如BB 床, High chair, BB車, 暖奶器等等, 預早book 定就可以帶少D 野, 減少行李負擔啦。以我四月去沖繩為例, 住嘅resort 都係以家庭旅客為主, 設備非常到位。   萬事俱備, 之後就準備好心情同BB 第一次去旅行啦~!   即LIKE BoxingDad FB 專頁, 同BoxingDad一齊學做老豆! https://www.facebook.com/BoxingDad-910474595721112/