今日完全冇準備之下，誤打誤撞去咗沙嗲王食晚飯，仲俾我哋撞正地縛貓食咗個喵樣飯！     本來打算去食P沙乞，但係有人話唔想去，所以我即刻轉場去咗附近嘅沙嗲王，點知一上到去就俾我哋遇到地縛貓，我都知道最近沙嗲王同妖怪手錶做緊Crossover，直到2月17日止     店內冇特別好大改動，只係每張枱餐牌見到地縛喵同埋一入門口有個大POPs可以供大家影相     窗邊卡位都有唔同嘅劇照放咗喺度！     落咗單之後第一時間梗係去同咁多隻喵影相先啦！     如果可以同埋地縛喵一齊食飯實開心死佢哋     雖然一場嚟到，但係都唔可以只係叫兒童餐㗎！所以我哋都Order番D大人食嘅嘢，呢個芝士焗牛柳飯無得頂，牛柳超林好易哨，芝士又香又拉到絲     印度薄餅配咖喱就必定嗌啦！     白咖喱豬扒飯都係我哋嘅至愛，因為唔太辣(幾乎唔辣)，所以都啱小朋友食     酥炸蒜香雞翼同埋芝士餡餅都好好味道，兩款都外脆內軟滑，最緊要唔貴好平好抵食      叫飲品點少得一杯係地縛喵造型$29，原來有件啫喱喺飲品裡面！     凡點選任何妖怪美食及飲品均配送全球獨家貼紙乙張，全數共10款，集齊貼紙可貼上限定 A4 文件夾！       萬眾期待喵樣飯出場啦！兩個小朋友一見到即「嘩！」一聲，未食都已經好開心！   平時去開卡通角色造型餐廳，多數遇着好睇唔好食，但係今次呢個喵樣飯又好睇又好食！       最後再落Order叫埋呢碟鐵板巨型雞脾飯，真係成塊面咁大隻，仲有皮脆肉滑真係啖啖肉好好食！     Photo by CANON 5D Mark IV, Len | EF 24-70mm f2.8L II USM   想跟我去體驗其他活動，快D報名親子團，同埋留意專頁公佈詳情啦！ http://goo.gl/forms/CNZMEPoMIWkouK8o2   呀劍評分: 10分   呀劍評語: 角色主題餐廳周街都係，但係真心好食嘅又有幾多間，沙嗲王一直係我認可又抵食又好食嘅餐廳，今次仲要同地縛喵玩Crossover，17/2完之前真係要嚟多幾次先得！   地址 銅鑼灣軒尼詩道489號銅鑼灣廣場一期9樓 交通 港鐵銅鑼灣站 B 出口, 步行約1分鐘 營業時間 星期一至星期日: 11:30-23:30 電話 2893 6667 沙嗲王 X 妖怪手錶 期間限定餐廳  日期：即日至2017年2月28日  分店地址：  1. 旺角 MPM 5樓上層（朗豪坊對面）  2. 油麻地彌敦道 530-538號現時點2樓  3. 銅鑼灣軒尼詩道489號銅鑼灣廣場9樓  4. 旺角山東街 48 號泰豐大廈 1-3樓  5. 觀塘裕民坊 34 -36 號裕華大廈 1樓  6. 荃灣眾安街 2-8號周合成大廈 2樓  7. 荃灣大河道 67 -75 號卓明大廈地下（海壩街官立小學對面） (以上資料更新至文章當日)     Facebook專頁: 呀劍萬帥 kimfamilytravel   Blog網誌 : kimfamilytravel.blogspot.hk