大年初一出去團拜之前，一早起身傳傳統統梗係要食番D過年糕點感受一下新年氣氛啦, 早幾日Hello Kitty中菜軒送我兩盒Hello Kitty造型立體賀年年糕, 所以我哋一齊親子廚房劏開Hello Kitty去煎嚟食!       我哋收到的係年糕同埋蘿蔔糕，先講一講個禮盒，正正方方好實正好靚     打開之後見到完完整整的Hello Kitty喺面前, 因為有個模蓋住年糕, 所以唔會因為手挽容易搖散!       影埋呢張遺照我哋準備入廚房拍「Hello Kitty天與地」! 準備要將Hello Kitty個頭切落嚟 >.<     見佢咁得意可愛個樣, 真係好捨得切落去, 嘗試諗諗有冇方法可以煎起之後, 仍然Keep住完完整整咁食!         不過真係有D難度, 都係正正經經咁切開一片片咁去煎     哥哥切住Hello Kitty個頭再配合埋呢個奸笑, 真係帶點恐怖感!     都係妹妹可愛D!     到年糕Kitty瞓喺針板上任我哋「魚肉」     妹妹真識擺甫士!       一切準備就緒, 我哋用電爐放喺廳度, 俾小朋友都嘗試下廚煮吓嘢食安全又放心     相信大家一定會話, 有卡通造型既食物定必唔夠傳統好味道, 因為價錢都放咗落Hello Kitty身上   當然用料比不上酒樓推出的傳統貴價糕點, 但係卻比我想像中好食喎, 蘿蔔糕都有啖啖蘿蔔絲同臘肉香! 年糕都好軟身, 唔會好黐牙!         食飽之後梗係要幫手做童工入利是啦 (太忙的爸媽, 要到年初一朝才開始入利是...^.^)         祝各位雞年新年快樂, 身體健康, 心想事成, 出入平安! 小朋友就學業進步, 快高長大!     Photo by CANON 5D Mark IV, Len | EF 24-70mm f2.8L II USM   想跟我去體驗其他活動，快D報名親子團，同埋留意專頁公佈詳情啦！   http://goo.gl/forms/CNZMEPoMIWkouK8o2   呀劍評分: 10分   呀劍評語: 去中菜軒食Hello Kitty都試過, 估唔到佢今次居然出埋年糕, 實行要我一年365日都要食Hello Kitty, 而且今次唔單止睇得, 仲真係食得, 好食嗰隻喎! 依家每買一件仲可以捐錢俾麥當勞叔叔之家做善事添!   Hello Kitty中菜軒 簡介 Hello Kitty中菜軒首創四款Hello Kitty立體賀年年糕（$138/套），分別有：臘味蘿蔔糕、傳統年糕、馬蹄糕及薑汁杞棗糕。 Kitty更首次以黑漆漆的年糕造型示人，十分可愛！ 早鳥優惠Hello Kitty粉絲，優惠期間，原價$238/套之Hello Kitty立體賀年年糕(少量公開發售，售完即止) 以$138/套特價發售 Hello Kitty立體賀年年糕賀新春，更加添以下多重優惠： 1. 隨Hello Kitty立體賀年年糕禮盒附送Hello Kitty中菜軒優惠券，可享88折餐飲饗遇。 2. 凡購買5盒Hello Kitty立體賀年年糕，可以換購價值$478之福袋一個，內有六件精美禮品包括環保袋，文件夾，襟章，蒸籠明信片，茶壼明信片和杯墊，寓意六六無窮。購買10盒Hello Kitty立體賀年年糕更可免費獲贈福袋一個!(數量有限︳換完即止) 同時在Hello Kitty中菜軒登場的還有多款創新賀年菜式，包括Hello Kitty大吉大利爆炸飯($118)、笑咪咪叉燒包($62)、石頭鍋飯($138)、紅荳沙配芋蓉糕點（$58)等等，絕對萌爆農曆新年。 地址 廣東道 332 至 338 號利來洋樓地舖 A 至 C （佐敦港鐵站 C2 出口步行約 5 分鐘） 其他換領站 1. 灣仔莊士敦道178-186號華懋莊士敦廣場22樓04室(查詢熱線: 2388 8053) 2. 觀塘成業街6號泓富廣場10樓10室(查詢熱線: 2345 4168) 營業時間 11am 至 11pm ( 休息時間 : 3 - 6pm 截單時間： 10pm)  電話 8202 8203 (11am 至 11pm) (以上資料更新至文章當日)     Facebook專頁: 呀劍萬帥 kimfamilytravel   Blog網誌 : kimfamilytravel.blogspot.hk