隔左成個月，又到私家產檢既時間，其實我今次搵既係張耀昌醫生 真係想讚一讚佢，佢都知道我唔會搵佢開刀或者順產 照返QE生 但佢每次都好認真同詳細咁照超聲波 同講解我聽 有果句講果句 我都係見左幾次先敢講出尼，怕唔好推介比大家，不過都係果句 人夾人啦，你覺得好人地未必覺得好咖嘛　     33 Weeks 唔知係咪食完個好豐富既lunch 飲左凍檸茶   驗小便既時候差少少就唔合格  醫生要我驗多次 好在冇事 之後就照啦 so far 細細b既 size 都冇咩問題 跟到上次既進度 依家都有 1.8 kg 3.96 bl 中細碼  醫生話會生得舒服d 今次醫生比左好長既相我 哈哈  但係今次胎水冇上一次咁充裕，佢問我係咪操勞左 佢話好多孕婦都係咁 如果近排累左 操勞左 都會變少 叫我多休息啦 唔好太操勞 都冇咩特別問題 兩個星期再覆診   不過我都覺得今次第二胎始終唔同第一胎 依家又有小羊羊係度 我都繼續take care 緊佢 佢又會痴實我 有時又扭下我抱咁 所以可能休息都冇咁多    希望2星期後 休息多d 胎水又多返d  細細b要同媽媽一齊努力呀