Day 2 : Vivocity亞坤 -> 入聖陶沙島-> 玩Skyline Luge -> Ports of lost wonders -> Palawan Beach-> Southernmost point of Asia ->Vivocity 無招牌海鮮 正午時份玩了兩轉既Skyluge既後果就係成身都熱辣辣了, 最好既消暑方法當然係玩水啦. Sentosa內雖然有出名既Adventure cove waterpark, 但係因為有好多slide陶寶B都唔玩得, 咁大人又無得玩去, 所以入到去都係有啲浪費, 所以我地就改畋位於Palawan beach旁小朋友既水上樂園Ports of lost wonders. (http://www.polw.com.sg/) 呢個小童水上樂園既入場收費好抵玩, 因為只收小朋友既入場費(Weekday: S$10, Weekend或假期: S$15), 而同行既大人係唔駛錢入場架.  Yeah, 可以去玩水啦!!!  場內既免費locker真係好貼心, 另外仲有好多picnic檯, 真係好方便. 可能因為係Weekday既關係, 所以場內既人真係得小貓三四隻.  話明係為小朋友而設, 當然唔會見到有好刺激既又長又高既滑梯, 反而係一架海盜船造型既水上滑梯設施.  起初莎拉都擔心只係陪小朋友玩水一定會好熱, 但係唔駛擔心, 因為果啲水上滑梯大人係可以同小朋友一齊玩, 所以最後大人小朋友都係由頭濕到落腳架.  陶寶B一見到啲水上滑梯就當然係無限玩, 我諗佢大大話話全日都SIR了過百次滑梯了.  玩到餓餓地就食啲嘢啦, 場內有一間餐廳主打既都係小朋友啱食既食物, 套餐包括了一個main course之外仲有一杯jelly及提子汁.  陶寶B食到好滋味, 當然啦, 玩了成個上午, 體力消耗一定大架. 起初都擔心玩玩吓會落雨, 因為新加坡每天都有shower既機會真係好大, 點知今天玩了一整天都係陽光譜照烈日當空呀. 雖然Port of lost wonder好細, 但係對於一個4歲既小朋友已經可以玩上大半天了.  玩到差不多4pm就轉場去旁邊既Palawan beach玩吓沙.  Sentosa島內有3個沙灘(包括Siloso beach, Palawan beach及Tanjong beach), 其本上都係屬於風平浪靜既沙灘, 所以小朋友係海邊玩都好安全.  而因為知會嚟沙灘玩, 所以都一早帶備了沙灘三寶-沙桶, 沙剷及沙漠墊.  眼見沙灘好似沒有太陽傘既, 所以如果中午烈日當空都真係會曬到濃咗架.  陶寶B真係一位Summer boy, 一有水玩就點玩都唔會悶架. 係沙灘hea咗1小時就去沖身換衫, 點知當莎拉換好衫出嚟就見到陶寶B已經瞓咗, 真係前後都唔夠5分鐘呀, 不過佢玩足全日都無瞓過, 係要叉叉電既.  當陶寶B做緊睡寶寶時, 我地兩個大人仲唔襯呢個時食嘆個Coconut ice cream充充電.  陶寶B瞓醒嚟個快叉之後, 都差不多係黃昏時分了, 可以順便係Southernmost point of Asia睇日落.  Southernmost point of Asia其實係亞洲大陸最南端既位置, 聽落好似好勁, 實質由Palawan beach經過一條吊橋就到架啦.  島上有兩個觀景亭, 可以行上去吹吹海風遠望南中國海.  黃昏時份既海邊襯埋個日落, 加埋啲椰子樹真係好靚.  今日由天光玩到天黑, 好感恩一滴雨都無落過, 因為係新加坡基本上每日都有Shower是常識吧.  臨走時係沙灘見到有sir 滑梯, 陶寶B又點可以放過佢呢?! 今日全日掛住玩, 好似都唔記得咗肚餓呢回事, 而家天都黑齊既時候終於感覺到餓了. 嚟到新加坡點可以唔食胡椒蟹, 之前research出名既就有Jumbo及No Signboard無招牌, 因為行程上唔想走來走去, 所以就去了最近係Vicocity內既無招牌.  基本上餐廳內9成既客人都係遊客, 因為每一檯唔係食胡椒蟹就係食辣椒蟹, 可能因為專做遊客既生意, 所以價錢都非常遊客, 1隻胡椒蟹(用溫哥華蟹)誠惠S$128, 另外仲叫了個咖啡骨S$28及楊洲炒飯S$18, 雖然隻蟹真係有啲貴, 不過真係好好味, 呢種好香既胡椒味從來都未食過, 食到手指都想lam埋.  本來諗住食飽係vivocity行一陣街, 點知食完之時啲鋪頭都已閂門了, 所以就打道回酒店早啲休息啦.