全城關注的秒殺活動-香港藝術節舉辦的Super Pool幻光動感池，多謝FamilyGO的幫手，呀劍有幸被邀請到現場首輪試玩! 開幕典禮6:00開始，我哋早15分鐘到達現場，先同主題Backdrop影影相，看看表演者綵排 妹妹十分認真的跳起! 今次活動預先在網上可以預約! 但係系統一開始開放公眾預約唔夠1分鐘就被秒殺! 睇見好多朋友都預約唔到，個個都發哂脾四! 今次請到這位藝術家 Jen Lewin 珍‧利維到港設置這個LED燈腳踏裝置，慶祝香港藝術節45週年，俾一班大小朋友可以到場跳夠本! 每節20分鐘 到場做開場表演的是一班傷健人士 表演未開始前我哋坐喺這個裝置上影影相! 兩個勁想快D走上去跳 不過我發現如果跳5點或6點場的朋友，個天未夠暗跳起上嚟會冇咁靚! (記住中環香港海事博物館嗰場係室內，所以跳1點咁早都唔驚!) 先出場係一位舞蹈家，跳番Part絲巾舞(個名我作既) 佢個人超Nice架, 完咗場都有同佢傾咗陣計! 仲讚佢跳得好出色添 之後到一班傷健朋友出場，佢哋同埋義工現場一齊跳舞，我工人姐姐見到佢哋咁樂觀咁開心感動到喊咗出嚟喎! 哈哈~ 終於到兩隻馬騮落場呀! 所有腳踏Default Mode係藍光燈，佢哋邊跑邊跳，LED跟住轉做紫紅黃等顏色，真係好靚! 因為我哋係首輪入場，所以都足足跳咗差唔多35分鐘，如果其他登記入場朋友均每節跳20分鐘 Photo by CANON 5D Mark IV, Len | EF 24-70mm f2.8L II USM 想跟我去體驗其他活動，快D報名親子團，同埋留意專頁公佈詳情啦！ http://goo.gl/forms/CNZMEPoMIWkouK8o2 呀劍評分: 9分 呀劍評語: 說真的，小朋友真係跳得好開心，大人反而唔係好跳(太懶...哈哈~)，爸爸媽媽都係影相Selfie居多! (很正常吧!~~) 希望大家在最後一輪上網預約(22/2)可以成功登記啦 Super Pool 幻光動感池 簡介 香港藝術節是一年一度的國際藝壇盛事，每年除了邀請眾多優秀藝術家蒞臨演出外，更會主辦一系列多元化的普及藝術活動，致力豐富香港的文化生活。為慶祝香港藝術節四十五週年，在2017年藝術節期間，將推出免費讓公眾參與的大型慶祝項目SUPER POOL。 由你踏上數以百計環形LED燈的一刻開始， 就進入了SUPER POOL的互動光影舞台。當你在這片光海上追逐光波漣漪的時候，同時亦與逾百人一起分享和創作，以光影連繫你我，展現人與人之間最繽紛絢麗的畫面，讓快樂燃亮城市。 節目日程 中環遮打花園 》香港中環遮打道3A號 (六環組合) 2017年2月17日 (星期五) 下午6時 ‑ 10時 (4小時) 2017年2月18日 ‑ 19日 (每日) 下午5時 ‑ 10時 (5小時) 荃灣公園 》新界荃灣永順街59號 (八環組合) 2017年2月23日 ‑ 24日 (每日) 下午6時 ‑ 10時 (4小時) 2017年2月25日 ‑ 26日 (每日) 下午5時 ‑ 10時 (5小時) 香港海事博物館 》香港中環8號碼頭 (室內六環組合) 2017年3月3日 (星期五) 下午3時 ‑ 9時 (6小時) 2017年3月4日 ‑ 5日 (每日) 下午1時 ‑ 9時 (8小時) 香港文化中心 廣場 》香港九龍尖沙咀梳士巴利道10號 (雙六環組合) 2017年2月22日上午10時開始接受預約登記 2017年3月9日 ‑ 17日 (平日) 下午6時 ‑ 10時 (4小時) 2017年3月11日 ‑ 18日 (逢星期日,六) 下午5時 ‑ 10時 (5小時) 主題活動 2017.03.15 18:00 Danz up演出 (不需預約登記，歡迎圍觀！) 2017.03.15 18:00-18:50 攝影專場 IV：專為攝影發燒友而設，歡迎攜帶單反「長短火」進場捕光捉影。名額有限！ 2017.03.18 (星期六) 17:00 特别演出 (不需預約登記，歡迎圍觀！) 2017.03.18 (星期六) 17:00-17:50 攝影專場 V：專為攝影發燒友而設，歡迎攜帶單反「長短火」進場捕光捉影。名額有限！ 帶備手機及相機 捕捉光影無限FUN 歡迎閣下拍下動人一刻，並上載到FACEBOOK或INSTAGRAM等各社交媒體，我們於遮打花園、荃灣公園及文化中心廣場安排了「INSTAGRAM打印站」，只要將上傳到INSTAGRAM的照片加入#superpoolhkaf，即可獲列印照片一幀以作留念 , 並參加「至Like靚相大選」，凡#superpoolhkaf而於3月20日中午12點前獲得最多「LIKE」的頭十位朋友，將獲贈精美禮品一份！ （注：「打印站」只供參與SUPER POOL之人士使用）。 入場費 全免 查詢電話 +853 8791 6000 網址 www.superpoolhkaf.org (以上資料更新至文章當日) Facebook專頁: 呀劍萬帥 kimfamilytravel Blog網誌 : kimfamilytravel.com
