今晚一家人到尖東睇聖誕燈飾   所以去咗附近的全聚德食北京填鴨   兩個小朋友食皮唔食鴨! 笑咗...     上一站>>CLICK HERE! 【親子好去處】尖東 香港科學館 Hong Kong Science Museum 我哋穿過噴水池去到行人天橋底見到呢個牌   「鳳城皇宴全聚德北京烤鴨店」   再轉咗就見到有樓梯行落去       其實呢度主要都係做遊客生意!    不過我知道呢度一定唔駛點等位就有得食       職員安排咗我哋坐喺廳內中間圓柱附近張枱     上菜唔算耐, 我估大約10分鐘度   北京填鴨就到啦, 呢度幾乎所有要花少少工夫既餸   都會先推到枱前喺你面前切鴨或分湯   鴨送到枱上既時侯都係熱辣辣, 皮都係脆卜卜!   餅皮用蒸籠上! 唔會硬邊, 好柔軟! 鴨肉唔多肥, 肉身唔會太乾! 夾埋乾葱同海鮮醬真係好好味, 價錢$198     另外叫咗西蘭花炒蝦球同埋半隻砂窩雲吞雞   同樣成煲雲吞雞係推到去面前先幫你分!     裡面大約有8-10粒雲吞(我冇數過唔記得, 總之分咗5碗之後都仲有好幾粒) 個湯好甜好香好有雞味! 雲吞就肉感重D, 冇原隻蝦喺入面     一年一度聖誕節要影番張全家幅先! 不過今日鼻鼻貼咗塊膠布唔靚佬   兩個小朋友攪攪震, 邊食邊怪樣! 芊芊剩係勁食皮, 反而鴨又唔點食!       食完就出發去睇燈飾lu.....   下一站>>CLICK HERE! 【親子好去處】尖東「炫彩聖誕盛典」尖東聖誕燈飾展覽2015     Photo by CANON 5D Mark III, Len | EF 24-70mm f/2.8L USM   呀劍評分: 7分   呀劍評語: 其實依家都好多後起既酒家, 做既北京填鴨都好好食! 不過全聚德比較坐得舒服, 水準亦都有保証! 其他小菜都唔錯, 價錢會相比經濟價貴10%! 但係方便去尖東睇燈飾都係不錯選擇   地址 尖沙咀麼地道75號南洋中心地下低層 營業時間 星期一至六: 10:30-23:30; 星期日: 08:00-23:30 電話 2316 7218 招牌菜 片皮鴨, 砂窩雲吞雞   (以上資料更新至文章當日)     Facebook專頁: 呀劍萬帥 kimfamilytravel   Blog網誌 : kimfamilytravel.blogspot.hk