岩岩過去左既週末真係十分十分之忙碌， 適逢小JM 星期五（24/2) 又要打一歲針， 所以無得係第一日去BB展， 要等到星期六先去到。 講起上來，我同老公好似都係第一次星期六去BB展， 星期六既BB展簡直係「人山人海」多人到爆棚。 不過為左幫小JM入貨無計啦， 都要入去同人逼下架啦！   再者，今次我同老公係有特別任務架， 就係買架新既BB車俾小JM去旅行用， 因為老公話而家個架太大架， 要買架細細架先夠方便喎， 所以唯有去逼下係啦！   記住！入場必備： Coupon Book 以便知道各攤位既優惠， 而且仲可以換取免費禮品添！     ＊不過今次我地唔係主力換禮品，     而係買野，所以都唔係換左好多野咋！＊   攻略我就唔多講，因為之前幾篇已經提過， 反而我想開心"些牙"一下我地買左啲咩。。。 真係可以話出血到一個點 （荷苞很瘦，爸媽很窮  但小JM很開心  ）    有關BB展既舊文可參考：  C。J の 爸媽手記。8月荷花BB展2016 C。J の 懷孕大小事 XI。2月荷花BB展2016 C。J の 懷孕大小事 I。媽媽會＋BB展 C。J の 爸媽手記。BB展2017攻略。重點攤位。送入場券       上圖就係今次BB展既"課金" 物品啦，真係多到一個點。。。   係第一次係BB展買咁多野， 無計啦，小JM已經加固左，好多野都可以食得， 特別係TeaTime唔少得既"啫啫果蓉"。 （當然平時小JM亦會食新鮮生果啦～～但呢啲果蓉就係出街良品）   1.)    是次BB展目標物品 － GB BB車          因為來緊三月份會帶小JM去日本，     所以爸爸堅決要買部細細細既BB車同行，     因為爸爸話而家個架太大，唔想帶（懶懶豬！）     咁岩屋企人有用緊呢部車仔，     所以原先一路想買既爸爸決定BB展要入場買。     （上次係AEON都有見到架，不過折左都要＄1,9XX）       BB展價：＄1,790 （原價 ＄2,3XX）     送BB車車袋加雨擋     抵買度： ＊＊＊＊   2.）    K's Kid地墊 （4尺半 x 4尺半）               BB展價：＄100      抵買度： ＊＊＊＊   3.）    Pigeon 厚濕巾          係屋企我地會用Huggies既大盒裝厚濕巾！     而出街呢我地就會用Pigeon厚濕巾，貪佢夠厚嘛！     同Huggies一樣都係厚身款，抹Bubu唔會浪費太多濕巾，          BB展價：＄100 ／一包     抵買度： ＊＊＊＊   4.）    Mustela髮膚沐浴啫喱          小JM由細用到大，所以每次都會幫小JM上定倉     無計啦，爸爸唔係成日得閒架嘛，     有爸爸在就緊係買多少少啦！       BB展價：＄116 ／一枝泵裝（新裝）               ＄40 ／一枝揭蓋裝（用Coupon換購，送細Cream一枝）     抵買度： ＊＊＊   5.）    Baby Swipe 洗衣液、洗樽及洗水果液（兩用）          因為小JM細時伏太多，試左太多唔okay既，     亦好明白「一身奶SO味」係咩一回事，     所以點都要買來洗衫！     保持小JM既衫香噴噴！       BB展價：＄150／兩包。洗衣液（Refill裝 1800ml＠）               ＄7X ／兩枝。洗樽及洗水果液（兩用）       BB展有優惠，滿＄99蚊就有Sample送，     岩晒我來緊旅行用，夠晒方便！     抵買度： ＊＊＊＊      6.）TOMMEE TIPPEE 星星沖涼水溫計          其實點解要買呢？都係因為要俾姐姐用來較水俾BB沖涼用既。     因為姐姐有時真係唔知熱定涼，     所以不如方便大家，用水溫計好過。       BB展價：＄99 ／一個 （原價＄1XX）     "LIKE" Page可換小禮物 （小剪刀）     抵買度： ＊＊＊   7.）    Little Freddie 系列          Little Freddie都係小JM食開既果蓉之一，     今次就緊係點都掃少少啦！       BB展價：＄70 ／五包果蓉 （味道任揀）              ＄100 ／ 五包食物蓉 （平時特價一田都要＄23-24蚊一包架）       抵買度： ＊＊＊＊      8.）    Ella's Kitchen 果蓉系列          另一隻小JM至愛果蓉，     係小JM Tea Time同出街既良伴。       BB展價：＄100 ／八包果蓉 （味道任揀，細Szie）              ＄100 ／ 六包果蓉 （味道任揀，大Szie）     ＊買滿＄300 仲送左個大水樽，岩晒去旅行同去街用！          ＊爸爸星期日再去又掃多＄100, 係＄100 ／十包！（味道任揀，細Szie）     抵買度： ＊＊＊＊   9.）    寶寶百味系列          經過上次台中之旅發覺原來小JM唔鍾意食濃味野，（日本牌子，用來撈粥食既）     今次就決定買寶寶百味俾小JM試食同帶去旅行食，     而且仲買左啲BB麵俾小JM食添！       BB展價：＄220 ／七盒 （味道任揀）              ＄3X ／ 一樽 （味道任揀）     ＊兩包散裝係用Coupon Book購物換既＊     抵買度： ＊＊＊   10.）韓國果乾            小JM自從接觸過果乾之後都好喜歡，     可能係因為趣趣地又甜甜地既關係啦，     所以今次都買左呢款果乾俾小JM試下       BB展價：＄100 ／三包 （味道任揀）     抵買度： ＊＊＊   11.）雪印芝士波波          小JM已經大個左，所以需要吸收多啲唔同既營養，     今次契媽媽就買左呢個芝士波波俾小JM食。          BB展價：＄125／四包     抵買度： ＊＊＊   12.）AQ消毒清潔液          例牌每次BB展都會買，     始終出街帶定會方便啲。     屋企都有用緊個噴霧，     有小朋友真係會買好多呢啲清潔消毒野。。。       BB展價：＄670／一 Set     抵買度： ＊＊＊   13.）Kidsme 餐具          小JM加固已經有一段時間啦，     最近亦開始俾小JM拎匙來食野，     所以決定買套餐具俾小JM用下。       BB展價：＄29／一 盒     抵買度： ＊＊＊   14.）玩具          媽咪我又亂洗錢，呢個我承認！     我竟然又買玩具又買布書（上星期先有四本布書到埗！）       BB展價：＄40／一 Set     抵買度： ＊＊＊       今年主要都係為小JM去掃貨，所以荷苞大出都無計！   無特別野想換，所以只係換左以下既Free Gift咋 (都係將啲野留返俾有需要既準爸爸媽媽啦！）         ♫ ESDlife靚太Club 。 星級榮譽會員 ★sleepyceci  ♬ ♩BK Milk。親子語。駐站Blogger  ★傑。斯與晴  ♪ ♫ Mami Buy香港媽咪幫。駐站Blogger ★傑。斯與晴  ♬ ♩Ohpama。Oh爸媽。駐站Blogger  ★傑。斯與晴  ♪   歡迎追蹤 小JM 既Fanspage 「傑。斯與晴」：   如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）