最近發現D・Park愉景新城有個位置免費畀小朋友玩。岩漿、懸崖、水面....就好似走進虛擬世界咁，同大家分享下先！  STEM投影遊樂區位於L1，Modern House對出空地~ 嘩！好高呀！身處海拔唔知幾多米之上，而前面條橋會隨時斷，情況好危急，想過去就要好小心喇！@.@ 小朋友用腳踩住第一塊發光嘅石頭之後，下一排石頭就會發光，繼續向前推進。腳離開踩過嘅石頭就會掉落懸崖下面，場面驚心動魄。踩晒所有石頭之後，會出現一個蘿蔔，踩埋佢就過關~ 氣溫急升，好熱呀！身處於岩漿之上，隨時會跌落去，變燒粟米㗎！好危險！大家要小心！ 小朋友要用腳踩住第1塊升起嘅石塊上，跟住第二塊石塊就會升起，繼續向前進發。當腳離開石塊嘅時候，石塊就會碎裂跌埋落岩漿度。一直踩住啲石塊跳到去對面，完成最後嘅石塊就通過喇！ 玩完高度、火熖之後，不如玩下水。好靚嘅河花池呀！雖然環境優美，但要通過都要諗啲計仔㗎！ 小朋友要靠踩荷花葉過對面，期間會有青蛙四圍跳，要小心，唔好踩親佢哋呀！亦都唔好叉錯腳跌落水喎！ 「阿媽我得咗喇！Yeah!!!」 之前響D・Park 亞馬遜學園都玩過投影互動遊戲，不過係小型啲嘅，但晴朗果陣已經玩得好開心。今次咁大型嘅都係第一次，虛擬場景營造氣氛更逼真。小朋友為過關不停跳嚟跳去，過程中仲可以提升邏輯思維同人際社交，係一個放電幾唔錯嘅好地方呀！最緊要嘅一樣嘢就係「免費」嘛！ 玩完STEM投影遊樂區，可以順便上去玩埋STEM-CITY喎！ M.I. STEM-CITY：http://blog.xuite.net/chinglongtin/blog/488597759 STEM投影遊樂區 對像：3-12歲 地點：荃灣青山公路398號愉景新城L1(Modern House對出空地) 活動時間：12:00 ~ 19:00 網址：http://www.dpark.com.hk