寶寶實在長大得太快，轉眼就十個月了！ 好多人話生仔好痛好辛苦，但其實個種痛痛完就唔記得。你而家問我生仔痛唔痛？梗係痛啦，人生最痛呀！但點痛法？有幾痛呢？而家已經好模糊啦。 生仔係咪好辛苦？梗係苦啦。生仔就係一千萬個超級想去大便但又要死忍，呢種辛苦你話苦唔苦？我記得係產房時，問得最多既問題就係「得未呀姑娘，我真係好...想....生啦.....」但聽得最多既答案就係「未得住呀，你再忍一忍先啦」。究竟呢d係咩答案，簡直令人失望到一個點呀！大姐我好想痾呀，點解你唔俾我痾呀..... 不過，話說回來，生仔點辛苦都係幾個鐘（我好幸運地只係痛左4個鐘）或者幾十個鐘啫（有d媽媽經歷晒陣痛，催生，什至最後都係要開刀既過程，媽媽真係好偉大。）。但原來生既過程其實都未算最辛苦，好戲在後頭，初初生完頭幾個月先係辛苦到極點。呢種辛苦我仲好記憶猶新，我諗個記憶會永遠都存在，共你同在，無限永恆中 新手媽媽咩都唔識，加上遇到bb跌磅，黃膽呢d問題，加埋hormones 作怪，情緒真係好易抑鬱。心情唔好仲要加上每天傷口痛，身體虛弱，訓覺出晒汗，熱到爆炸，同餵人奶被啜損，bb狂喊，唔夠時間休息等等既外在問題，終於明白生仔個刻只係個開始，而且「生」已經係最容易handle既事。 但呢十個月既痛同快樂都係我人生中從未經歷過既事，望住Lucas一天比一天進步，一天比一天可愛，而且一天比一天曳，我覺得我quit左份高薪厚職轉做ftm（即係full-time mom呀 in case你唔識，又即係「全職媽媽」呀in case你唔明）都係值得既。 ❣video攝於一月尾，?Lucas 初嚐甜味後既反應❣   ➡️like my page http://www.facebook.com/monkeylucas