茘枝角工廈近年活化改造得好成功，餐廳既選擇又多仲要係唔難搵位，所以近年都多咗去茘枝角開飯. 講開活化工廈，唔能夠唔提D2 place啦，因為呢度1樓有人氣高企既大樹先生的家係商場內，但係原來2樓都有嘢玩架，就係呢間crazy car cafe啦！ 莎拉今次真係行過路過，食完飯見D2商場就係對面，諗住上去八吓架賽車點甩尾法，咁就入去玩咗一轉啦！雖然crazy car cafe有餐廳，但大家放心，唔幫襯餐廳都可以玩甩尾賽車架，只係買飛就可以玩！ 比賽既場地其實唔係好大架咋！ 價錢就分了3種，大車（6歳以上），大人與小童同車及小童車（小車），全部都係每節6分鐘. 而大車其本上係不能夠與小車在同一時段玩，因為大車既速度係快啲既.  小朋友準備玩時就戴上helmet, 陶寶B戴了後好似孖寶兄弟既蘑菇仔呀！ 之後就戴上護膝，安全第一呀！  好啦終於可以開始玩啦，賽車呢啲嘢當然留番俾謝菲嗲哋啦！開始前職員會briefing 點控制架車，之後就準備賽車啦！ 嘩，唔好睇佢車仔細細，其實都幾快，掟灣時真係可以甩尾架，陶寶B一路玩，一路嗌救命，仲不斷話好快添呀，莎拉係出面睇就一路笑佢！ 雖然6分鐘聽落好似好快，但查實6分鐘就已玩咗N個圈了，謝菲都話6分鐘既賽事都幾攰架！ 話咁快就玩完了，陶寶B係咁話好好玩，下次仲要玩呀，睇嚟日後去茘枝角既日子從今就會多咗啦！