學習知識唔單只係從課本吸收嘅！成日對住啲書同文字，就算係大人都會悶到瞓著啦！我哋就覺得邊玩邊學最易入腦，而最高境界係小朋友玩完一大輪，原來學咗嘢都唔覺。咁至係100%無壓力之下學習，學到嘅知識先可以記得長久加嘛！我哋最近去M.I. Stem玩就係咁，一齊去睇下有咩玩囉！ 小朋友聚集埋一起好專心聽梗導師介紹AI人工智能，可以同機械人互動呀！ 機械車仔會識得自己跟住條線行，小朋友都覺得好神奇。仲同佢say "Hello"添！ 機械車啱啱經過，晴晴都睇到入晒神喇！ 嘩！咁多魚嘅？好似進入咗海洋世界咁呀！小朋友情緒好高漲，見魚就跳高去拍，好搞笑！睇嚟呢個遊戲少啲精力都唔得喎！~ XD 不過其實玩法係咁㗎！首先自創一條魚然後填色，之後按掣scan咗佢~ 唔駛幾秒scan好，自創獨一無二嘅魚就會入埋去海洋世界游水㗎喇！ 小朋友見到自己親手創作嘅魚活現眼前，情緒更加失控！認真精力無限~ ^^''' 唔知大家有冇玩過Sim City呢？呢個STEM互動一體機可以體驗多款AR(擴增實境)遊戲。同Sim City有啲似，可以自己建立一個社區出嚟㗎！ 唔同顏色嘅積木代表住唔同嘅建設，例如火車、馬路、河流、飛機...等等~ 大家都好努力建設出更完善嘅社區呀！ 完成之後，見到火車響你設計嘅火車軌上走動嘅時候，會好有滿足感㗎！ 25分鐘嘅多元智能STEM互動旅程唔多夠喉，但好好玩呀！Yeah!!! 小朋友玩完M.I. Stem之後，除咗對數學、科學、科技同工程等概念多咗認識外，仲提升埋創意添！晴晴對於AI人工智能嘅機械車仔好有興趣，而朗朗就比較鍾意STEM互動一體機，創造屬於自己嘅社區。而奇幻海洋世界都好具吸引力，小朋友可以創造獨有嘅海洋生物，仲會瞬間出現響海洋世界添！動動手和腦，在遊戲中學習嘅成效一定比起課本來得有趣味性和更深印象。玩得開心，知識又豐富咗，大家都快啲帶埋小朋友嚟玩下，寓學習於娛樂啦！ 睇埋短片可以了解多啲呀！ 玩完STEM-CITY，可以順便過去玩轉STEM投影遊樂區喎！STEM投影遊樂區：http://blog.xuite.net/chinglongtin/blog/488949976 M.I. STEM-CITY對像：3-12歲地點：荃灣青山公路398號愉景新城L2, 2052-2053號舖活動時間：10:00am ~ 8:00pm (星期六、日及公眾假期)費用：$50/25分鐘網址：http://www.dpark.com.hk