呢一日妹妹放假, 而婆婆又有事在灣仔做, 所以大鄉理們就一起出左去灣仔啦...   Lunch 我地就在openrice search下附近有冇素食... 本想係合和食 muji cafe.. 不過婆婆話想試別的.. 再找下.. 比我搵到呢間Sooo Vegi 素食主意! 呢間一早聽過啦.. 佢地第一間店係北角, 灣仔呢樹係新開架... 呢樹好細架.. 不過好彩我地到既時候已經係差不多lunch hour 完, 所以等左一陣就有位啦... 有好多食物選擇呀... 西式, 日式, 中式, 土耳其都有...   我地叫左2個餐先... 婆婆係喇沙... 唔好以為好似好細碗, 其實都好多料呀.. 有豆POP, 又素蝦 同素魚蛋... 而味道方面比起 LOVING HUT 濃D.. 重有少少辣味.. 味道都近似肉類既喇沙! 而我同妹妹就食 白汁波菜意大利粉! 而呢個粉, 係好足料架... 同埋好香!!! 白汁食左都唔會覺漏!! 跟餐加$9就可以有個$25既湯啦.. 因為見到係最愛既南瓜湯, 所以我地加左$9 呢個南瓜湯係好好味.. 同出面果D唔同, 出面果D只係有南既甜味... 而呢個除左有南瓜既甜味, 重有好香既香草味呀.. 因為我地實左冇既幾可出黎食下野..  所以我地忍唔住叫多左個墨西哥卷.  因為婆婆唔食ONION, 所以叫佢走洋蔥...  呢個卷入面有豆, 菜, 牛油果, 同埋特製既蕃茄醬...  真係好好味呀!!! 真係有"真"墨西哥卷既味道...  不過就一D都唔漏..  難怪見到咁多人外賣都買墨西哥卷!!!     除左呢個墨西哥卷我地又加多左$9 又要多左個南瓜湯...   真係好好味...    -------------------- 大家可以 like埋我地 facebook page 咁就可以緊貼我地架!!  https://www.facebook.com/pages/CCML/541687029256695     CCML BLOG 都會出現係呢幾個地方: http://ccmlfamily.blogspot.hk/ http://weshare.hk/piyobaby http://www.mybb.com.hk/home.php?mod=space&uid=10582&do=blog&view=me