唔覺唔覺原來話咁快就到三月啦！ 距離我地「二月の星生日旅行」已經進入倒數階段啦！ 睇來要加快速度預備下旅行既野同準備執下行李先得啦！   近年已經越來越多人鍾意出國既時候租車自駕遊， 今次我地亦都唔例外， 加上今次要帶著小B去旅行既關係， 所以都係輕鬆咁自駕一番，唔駛下下同人逼都唔錯既！ （最正緊係去Outlet個陣有車載戰利品啦！）   因為爸爸比較忙，所以都未有時間去申請國際車牌， 但好彩，而家好多野都可以上網做預約又或者郵寄申請， 所以真係節省到好多時間架。   不如又睇下申請國際車牌要點做啦！ （多謝小JM爸爸提供資料俾我）   國際車牌 申請資格 必須符合下列既所有資格先可以申請：   －    持有香港身分證，及   －    持有有效的香港正式駕駛執照，或持有逾期不超過 3 年的香港正式駕駛執照。 ＊＊一般而言，國際車牌有效期為一年，如果過左期就要再申請過（係無得續期架）。＊＊   國際車牌 申請手續 （一）網上預約申請 而家運輸署有提供「續領車輛牌照、正式駕駛執照及申領國際駕駛許可證預約服務」， 申請人只要安坐家中就可以進行預約。 1.）進入運輸署既相關既申請網頁，及點選 "開始預約" 以進行     》》「續領車輛牌照、正式駕駛執照及申領國際駕駛許可證預約服務」《《        2.）選擇 "預約申領國際駕駛許可證"，再輸入相關資料     完成後按 "繼續"至下頁        3.）選擇牌照事務處      4.）選擇預約日期        5.）選擇預約時段      6.）遞交預約資料      7.）完成遞交預約資料後，可選擇列印，或輸入Email以收取預約確認及提醒通知        完成以上程序之後就代表你已經成功預約架啦！     預約完成後就要準備申請文件：  無論郵寄或預約，亦需預備以下文件以供申請之用   －    已經填好既 國際駕駛許可證申請表格（TD51） －    香港身份證副本 －    證件相 兩張（Size：40mm X 50mm） －    住址證明 （需要最近三個月紀錄，可以使用水電煤或電訊公司收費單、銀行、政府部門等發出既信件） －    費用： HKD ＄80   如郵寄，可以支票╱銀行本票付款， 需要劃線並寫明「香港特別行政區政府」為收款人。 另外需要係支票背面寫上姓名、 身分證明文件號碼首 4 個字(包括英文字母及數字)及日間聯絡電話。）   整理好晒就可以帶去申領架啦！ 如果需要郵寄既話， 可以郵寄至 「東九龍觀塘郵政信箱 68115 號,運輸署觀塘牌照事務處」 如果成功申請既話，大約 十個工作天左右就會以掛號信寄個國際車牌俾你架啦。 真係簡單又方便！   除左事前申請國際車牌之外， 今次福岡之旅仲會去浸溫泉添架， 媽媽我已經密識左一間位於由布院既溫泉旅館添， 置身古色古鄉既建築物內浸溫泉，真係一樂也！   媽媽要開始為小JM預備行裝啦！       ♫ ESDlife靚太Club 。 星級榮譽會員 ★sleepyceci  ♬ ♩BK Milk。親子語。駐站Blogger  ★傑。斯與晴  ♪ ♫ Mami Buy香港媽咪幫。駐站Blogger ★傑。斯與晴  ♬ ♩Ohpama。Oh爸媽。駐站Blogger  ★傑。斯與晴  ♪   歡迎追蹤 小JM 既Fanspage 「傑。斯與晴」：   如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）